lunes, 5 de octubre de 2026
O crecemento da economía galega entre abril e xuño sustentouse no forte aumento do gasto en consumo final, que rexistrou un crecemento interanual do 3,3%. Este é o maior incremento deste indicador desde 2007, e débese ao incremento do gasto en consumo final tanto dos fogares (3,5%) coma das administracións públicas (2,8%). Ademais, a formación bruta de capital que recolle os investimentos do sector empresarial creceu un 4,1%.
Ademais, todos os sectores que conforman o PIB salvo a industria rexistraron un comportamento positivo. O maior crecemento rexistrouse no sector da construción (5,5%) e no sector servizos (2,8%), con incrementos superiores á media, mentres que o sector primario avanzou un 0,2% e a industria descendeu un 2,1%.
Os datos do IGE indican tamén que o comportamento positivo da demanda interna medrou un 3,3% en taxa interanual- compensou a evolución negativa da demanda externa. Así, nun panorama de incertezas nos mercados internacionais, as exportacións de bens e servizos descenderon un 8,6%, o que explica o menor crecemento respecto a trimestres anteriores.
En todo caso, a economía galega continuou creando emprego no segundo trimestre do ano. A evolución do emprego asalariado foi positiva en todos os sectores, cun crecemento do 1,4% e a creación de case 12.400 postos de traballo asalariados a tempo completo.
CCOO lamenta que a economía galega se está ralentizando e, con ela, o emprego
A contabilidade trimestral que acaba de publicar o Instituto Galego de Estatística (IGE) revela que a economía galega se está a ralentizar e, con ela, o emprego. O produto interior bruto a prezos de mercado (PIB nominal) aumentou só un 0,3 % respecto do anterior trimestre, e segue unha tendencia decrecente desde comezos do 2018, cando aumentou un 0,7. Para CCOO, é especialmente preocupante o dato referente ás exportacións, que diminuíron o 1,6 % no último trimestre e, peor aínda, o 8,6 % con relación a hai un ano.
Esta estatística tamén revela que Galicia segue moi lonxe do obxectivo marcado pola Comisión Europea para que a industria represente no ano 2020 o 20 % do PIB. No caso galego, a contabilidade trimestral indica que o peso dos sectores industriais no produto interior bruto é só do 16,5 %.
En opinión de Maica Bouza, secretaria de Emprego de CCOO, estes datos deben ser unha «chamada de atención» ao Goberno galego, xa que ten competencias e recursos para reverter a situación. Galicia precisa unha diversificación do seu tecido produtivo, fundamentalmente baseado nos servizos (62,8 ) e na construción (6,8 %).
Segundo a secretaria de Emprego de CCOO, cómpre unha «decidida aposta pola industria» e a Xunta de Galicia «ten moita marxe de actuación neste senso». Por esta razón, Bouza insta o presidente galego a «deixarse de lamentos e de procurar escusas, porque está na súa man reverter a situación».
O certame consolídase como un espazo de exhibición para o sector profesional galego e de achegamento da cidadanía ás novas linguaxes escénicas. Teatro de Ningures abrirá a programación o xoves 15 no Teatro Principal coa estrea absoluta de Thelma e Lola. Tamén presentará por primeira vez a súa nova proposta Arun Run, que levará Inorganic ás rúas de Ourense os días 17, 18, 23, 24 e 25. Pola súa banda, a iniciativa 67 Graos Ourense Fervescénica dará a coñecer novas creacións o mércores 21 na Sala Emilia Pardo Bazán do Campus de Ourense. No apartado internacional, a compañía arxentina El Rayo Misterioso regresará ao festival con Todo terminará por Navidad.
Galicia comparte coas comunidades autónomas a súa Lei de Educación Dixital, unha normativa pioneira a nivel estatal que regulará por primeira vez o uso da IA no ensino. Faino no I foro europeo EducaIA que se celebrou en Santiago de Compostela coa participación de responsables educativos de dez comunidades autónomas, xunto con docentes e expertos na materia e a intervención por videoconferencia do director de Educación da OCDE, Andreas Schleicher.
