lunes, 10 de agosto de 2026
A propia Fundación será a encargada de coordinar á representación autonómica durante as fases de preparación e desenvolvemento dos catro actos con participación galega que se celebrarán o vindeiro martes 8 de outubro na capital europea.
A participación de Galicia durante esta segunda xornada da EWRC 2019 abrirase cun evento sobre a achega galega á loita contra o cambio climático, expoñéndose con detalle a finalidade e os obxectivos da Estratexia galega sobre Cambio Climático e Enerxía de cara ao ano 2050. Despois, terá lugar unha exposición sobre a Estratexia de Crecemento Azul do Porto de Vigo. Esa mañá tamén haberá un evento de I+D+i sobre o papel das rexións europeas na promoción da transformación dixital das pemes organizado pola Axencia Galega de Innovación (GAIN). Durante este acto, GAIN presentará os resultados dos proxectos I4MS e TETRAMAX nos que se están a desenvolver ferramentas e servizos que incentivan a innovación dixital entre as pemes industriais europeas.
O último evento con participación galega dese día céntrase no futuro da política de cohesión, concretamente, á hora de afrontar os desafíos globais e a necesidade de reformas estruturais que precisa esta importante política pública europea. Neste seminario, organizado pola Fundación Galicia Europa, explicaranse os beneficios que a política de cohesión aporta ás rexións europeas e se proporá un debate sobre o seu futuro financiamento no marco do novo período financieiro 21-27.
Os catro eventos coordinados pola FGE forman parte das 300 sesións programadas para a EWRC 2019, entre as que se atopan laboratorios participativos, obradoiros, charlas, un espazo de exposición, degustacións de produtos rexionais e actividades de networking. Todos estes actos se agruparán en seis bloques temáticos: O futuro da UE e o papel das rexións e das cidades; unha Europa máis próxima aos cidadáns; unha Europa máis verde; unha Europa socialmente máis integrada; unha Europa máis intelixente e unha Europa máis conectada.
Primeiro cume sobre o futuro da mobilidade autónoma
Coincidindo coa Semana Europea das Rexións e das Cidades, o día 9 de outubro celebrarase en Bruxelas un gran encontro sobre mobilidade autónoma con representación da industria, das institucións comunitarias e de autoridades rexionais. A cita está organizada polo Grupo Interrexional do Automóbil (Future of the Automotive Industry-CoRAI) do Comité Europeo das Rexións (CdR), do que Galicia é parte activa. No panel e na mostra de proxectos deste cumio europeo vai participar como representante galego o Centro Tecnolóxico de Automoción de Galicia (CTAG) presentando o proxecto SISCOGA, un corredor de probas cuxo principal obxectivo é poñer en marcha proxectos relacionados coa condución autónoma e conectada. Posteriormente, haberá un debate político sobre a mobilidade autónoma a nivel local no que participará a Xunta de Galicia.
Novas edicións do programa TecEuropa
A participación da Fundación Galicia Europa na EWRC 2019 coincidirá, no tempo e no espazo, coa oitava edición do seu programa TecEuropa de especialización en financiamento comunitario destinado á formación de persoal de entidades galegas interesadas en participar en proxectos europeos. Tras pecharse a convocatoria para esta 8ª edición o 18 de xullo xa se pode atopar na páxina web da FGE a listaxe de 20 persoas que van participar nesta nova edición do programa formativo. A relación de prazas asignadas é a seguinte: sete técnicos que pertencen a entidades membros do Padroado da FGE, seis técnicos de entidades locais galegas e outros sete de entidades públicas e privadas sen ánimo de lucro.
Por outra banda, xa está aberto o prazo de inscrición para a 9ª edición de TecEuropa cuxa primeira parte terá lugar en Bruxelas do 11 ao 15 de novembro, mentres que a segunda parte vaise celebrar en Santiago de Compostela o día 26 de novembro. O prazo para presentar solicitudes se estenderá ata o vindeiro 9 de setembro. As solicitudes e documentación complementaria deben ser presentadas de forma obrigatoria por vía electrónica a través do formulario normalizado dispoñible na sede electrónica da Xunta de Galicia. Toda a información ao respecto pode atoparse na web da Fundación Galicia Europa.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
