jueves, 11 de junio de 2026
Dela formaron parte algúns dos nomes máis internacionais da nosa música, como Carlos Núñez ou Milladoiro, xunto con artistas que están a renovar a nosa tradición musical, como Davide Salvado, Xosé Lois Romero e Aliboria, Talabarte ou Tiruleque, e agrupacións que, como Xacarandaina, traballan día a día na súa recuperación, mantemento e difusión.
Galicia foi, por exemplo, a protagonista do concerto inaugural do festival, Os camiños de Breogán, un espectáculo sinfónico de música e danza tradicional coa participación de 130 artistas, que recibiu unha gran ovación do público que encheu o pasado día 2 o Théâtre de Lorient. A el asistiu o conselleiro de Cultura e Turismo, Román Rodríguez, quen tamén participou en diferentes accións de promoción de Galicia como destino cultural e turístico, coa ollada posta na celebración do próximo Xacobeo 21.
75.000 persoas no Gran Desfile
Así mesmo, a presenza galega deixouse sentir con forza polas rúas de Lorient da man da Banda de Música Municipal de Silleda, a Banda de Gaitas de Forcarei, Xacarandaina e Invernía durante o Gran desfile das nacións celtas, que congregou máis de 3500 artistas de Asturias, Bretaña, Cornualles, Escocia, Illa de Man, Irlanda, Gales e Galicia, e foi seguido en directo por unhas 75.000 persoas. Igualmente, os artistas galegos tiveron un papel principal tanto nas Noites Intercélticas, onde Abraham Cupeiro, Xacarandaina, a Banda de Gaitas de Forcarei e Invernía se presentaron no estadio de Moustoir con capacidade para 15.000 espectadores, e especialmente, na Gran Noite de Galicia do día 5 con Xosé Lois Romero e Aliboria, Tiruleque e os artistas do espectáculo Os camiños de Breogán.
Ademais dos concertos e espectáculos incluídos no programa oficial do 49º Festival Intercéltico de Lorient, desde o pavillón de Galicia reforzouse a promoción da nosa cultura con outras 56 actuacións, que supuxeron máis de 120 horas de música en directo, e con diversas actividades lúdicas, formativas e de difusión. Así, a grandiosidade da Ruta Xacobea amosouse desde este espazo a través da exposición O Camiño de Santiago. Unha experiencia contemporánea de peregrinación, na que o fotógrafo monfortino Manuel Valcárcel ofrece un percorrido polo patrimonio natural e cultural, os pobos, as cidades e as paisaxes cos que se atopa o camiñante rumbo a Compostela.
Como complemento ao programa artístico, Galicia fixo gala da súa riqueza gastronómica a través da degustación de produtos típicos, ademais de promocionar a súa calidade como destino turístico, en colaboración co Clúster Turismo de Galicia.
Tivo lugar a xornada 'Deputados por un día', na que os escolares galegos levaron ao hemiciclo as súas propostas para mellorar a sociedade. Os catro representantes dos colexios, un por provincia, compartiron na Cámara as súas reflexións sobre a convivencia, o tema arredor do que xira este curso o programa educativo Abraza tus valores, e a relación dos menores coas tecnoloxías. Participaron máis de 8.300 escolares de entre 4 e 12 anos de 83 centros públicos, concertados e privados de Galicia (Arquitecto Casas Novoa de Santiago, o CEIP Plurilingüe A Gándara, de Monforte de Lemos, o CEIP Plurilingüe Irmáns Villar, de Ourense e o CEIP Plurilingüe de Cerdeiriñas, de Piloño).
A actividade levada a cabo pola Axencia de Protección da Legalidade Urbanística (APLU) para protexer o medio ambiente e o patrimonio natural e paisaxístico galego permitiu o pasado ano a reposición da legalidade en 121 actuacións en toda Galicia. Estas reposicións foron resultado do labor do equipo inspector do organismo adscrito á Consellería de Vivenda e Planificación de Infraestruturas, e repartíronse principalmente na provincia de Pontevedra, con 60 actuacións, seguida da Coruña con 30, Lugo con 21 e Ourense con 10.
