sábado, 8 de agosto de 2026
O conselleiro de Economía, Emprego e Industria, Francisco Conde, destacou hoxe que Galicia está a traballar para marcar a diferenza na Unión Europea a través dos seus proxectos biotecnolóxicos no marco da terceira xornada organizada pola Xunta para avaliar os resultados da Estratexia de Especialización Intelixente de Galicia, a RIS3.
Nesta ocasión, fíxose balance do Reto 3, centrado en acadar un novo modelo de vida saudable baseado no envellecemento activo. Conde sinalou a importancia deste obxectivo dadas as características demográficas que ten a Comunidade galega, o significado que ten para a calidade de vida dos cidadáns e o potencial no sector agroalimentario. O que se busca é facer de Galicia unha rexión líder no sur de Europa na oferta de servizos e produtos relacionados cun modelo de vida saudable.
Así, o conselleiro incidiu no protagonismo que ten Galicia no conxunto da Unión Europea a través dos seus proxectos biotecnolóxicos, lembrando que a Comunidade é a terceira con máis empresas deste sector. Puxo de manifesto, así mesmo, o esforzo que está a facer a Administración autonómica en I+D+i e a colaboración coas fundacións sanitarias, as universidades e o tecido empresarial.
Esta cooperación ten permitido poñer en marcha a primeira aceleradora dedicada á industria alimentaria en colaboración con Clusaga, a Business Factory Food, que apoiará 26 proxectos ao longo de tres convocatorias -a primeira xa está en marcha-. O conselleiro tamén se referiu á primeira aceleradora de empresas no sector biotecnolóxico, BioIncubaTech, e á Estratexia galega de impulso á biotecnoloxía, que xa mobilizou 198 millóns de euros, e que, en palabras de Conde, está permitindo a Galicia diferenciarse desde o punto de vista do reto demográfico a través da innovación e a incorporación de novas tecnoloxías.
Conde, ademais, resaltou o impulso da Xunta aos Hubs de innovación dixital, un modelo baseado na colaboración público-privada para ofrecer mellores servizos desde a Administración e definir o novo ecosistema innovador en Galicia. De feito, un dos Hubs postos en marcha está centrado neste ámbito biotecnolóxico e nas ciencias da vida e liderado por Bioga.
Para rematar, o conselleiro indicou que a RIS3 xa mobilizou máis de 1200 millóns de euros, un 73% do previsto, e permitiu a concesión de 3683 axudas, dúas ao día, sendo pemes case 9 de cada 10 as beneficiarias.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
