miércoles, 24 de diciembre de 2025
O turismo en Galicia continúa a avanzar neste ano 2019 da man da calidade. Así o constatan os datos feitos públicos hoxe polo Instituto Nacional de Estatística (INE) que revelan que a demanda turística medrou por riba da media española nos catro primeiros meses ao crecer un 5%, mentres que no resto de España a evolución non chegou ao 1%.
Neste tempo chegaron á Comunidade galega máis de 1 millón de viaxeiros que realizaron máis de 2 millóns de noites nos establecementos de aloxamento regrado, o que se traduce na xeración de algo máis de 31.000 viaxeiros que hai un ano e preto de 94.000 noites máis que nas mesmas datas de 2018. Medra tanto o turismo nacional como o estranxeiro, destacando de xeito especial este último que logra superar nun 11% a cifra de viaxeiros aloxados e case nun 13% o volume de noites. O turismo estranxeiro acumula así cinco anos consecutivos de mellora nos primeiros meses do ano acadando este 2019 un máximo histórico con preto de 425.000 noites.
A positiva evolución turística rexistrouse en todas as tipoloxías de aloxamento regrado, desde hoteis e pensións ata apartamentos turísticos, cámpings e establecementos de turismo rural. Neste último caso, o incremento da demanda turística roldou o 7%. Constátase tamén a tendencia dos últimos anos na que os viaxeiros deciden permanecer cada vez máis tempo en Galicia. Así, a estadía media increméntase un 1,8%, acumulando así tres anos de mellora e rexistrando a cifra máis elevada dos últimos cinco anos.
Máis calidade e rendibilidade
Todas estas cifras permitiron, ademais, que o sector hoteleiro galego tamén rexistre un bo balance desde o punto de vista económico, xa que as tarifas hoteleiras medraron case dous puntos porcentuais e rexistráronse os niveis de rendibilidade medidos polo RevPAR ou ingreso por habitación dispoñible máis altos da década, cun incremento do 7%.
Esta salientable evolución do turismo en Galicia ten lugar nos primeiros meses do ano, unha época na que a Consellería de Cultura e Turismo, da man do sector, desenvolvendo diferentes iniciativas tanto de promoción como de creación de produto, con experiencias turísticas que están a captar a atención dos visitantes fóra da tempada estival e dando así resposta ao compromiso do Goberno galego pola desestacionalización.
A conselleira do Medio Rural, acompañada polo director xeral da PAC e do Control da Cadea Alimentaria, Juan José Cerviño, presidiu este mediodía a constitución do Observatorio do sector lácteo de Galicia, órgano colexiado de seguimento, asesoramento, consulta e análise deste eido produtivo. Esta reunión ten lugar trala entrada en vigor do decreto que actualizou a regulación deste órgano e que, entre outros obxectivos, persegue facer un seguimento continuado do sector e mellorar o seu funcionamento. O Observatorio vén funcionando dende a súa creación no ano 2007
En concreto, o programa do Calendario do Libro e da Lectura inaugurará as súas 35 efemérides para o longo de todo o ano o 11 de xaneiro, co Día do usuario/a da Biblioteca e terá como unha das súas datas significativas desde mes, o Día da Ilustración, que se celebra o 30 e está dedicado ao humorista gráfico Siro López. Complétanse as datas significativas coa celebración, o 1 de abril, do Día das artes galegas, que se centra neste 2026 nun dos nosos fotógrafos máis vangardistas e internacionais, o ourensán José Suárez. En todo caso, este festexo estenderase todo o ano cunha ampla oferta de accións, do mesmo xeito que sucederá co Día das letras galegas (17 de maio) que nas bibliotecas xirará ao redor da escritora Begoña Caamaño.
