viernes, 27 de marzo de 2026
O conselleiro de Economía, Emprego e Industria, Francisco Conde, participou esta mañá na xornada de benvida da BFAero, acto que marca a posta en marcha da primeira aceleradora aeronáutica de Galicia coa participación de cinco proxectos. Conde subliñou que esta nova iniciativa de emprendemento innovador contribuirá a crear e consolidar un tecido empresarial e industrial sólido en torno ao polo aeroespacial de Galicia.
A BFAero é unha iniciativa de innovación aberta promovida desde a Xunta de Galicia a través da Consellería de Economía, Emprego e Industria que conta coa colaboración de Indra, Babcock, pequenas e medianas empresas do sector, as universidades galegas e entidades como o Centro Tecnolóxico de Automoción de Galicia (CTAG), o Consorcio Aeronáutico de Galicia e a Fundación CEL, que se encargará da xestión operativa.
Enmarcada na aposta de Galicia polo sector aeronáutico e, en concreto, no impulso ao polo aeroespacial da Comunidade, a iniciativa pretende seleccionar, incubar e acelerar novas empresas que acheguen solucións innovadoras a esta industria e, en concreto, á dos vehículos aéreos non tripulados, atraendo e retendo, deste xeito, talento de primeiro nivel a este sector. O obxectivo é facer de Galicia un referente nesta industria, xa que tal e como sinalou o conselleiro, a Comunidade ten unha grande oportunidade para crecer e diferenciarse grazas ao desenvolvemento deste sector.
As empresas seleccionadas accederán, a partir de hoxe, a financiamento, plans de formación adaptados, acompañamento de mentores, servizo de asesoramento técnico e poderán utilizar as instalacións do aeródromo de Rozas. Está prevista a realización doutras dúas convocatorias máis ata 2021 dando soporte a un total de 19 empresas.
Proxectos
A iniciativa recibiu 54 solicitudes das que finalmente cinco participarán nela. Trátase do proxecto de Aeromedia que pretende desenvolver un UAV para realizar fotografías das tres palas dun eólico polo anverso e reverso sen necesidade de parada; unha iniciativa de propulsión con células de combustible de hidróxeno como alternativa ás baterías en UAVs de ata 25Kg que realizará H2 Dron Energy Galicia; a Universidade de Vigo que traballará no desenvolvemento de sistemas para tarefas de inspección non destrutiva detección e identificación con sensórica activa e pasiva; Lupeon ten por obxectivo reducir o peso dos UAVs para conseguir maior autonomía de voo; e a iniciativa de UAV Works Group para desenvolver unha aeronave convertible.
O presidente da Xunta, Alfonso Rueda, anunciou hoxe que a Xunta destinará un total de 270 millóns de euros a paliar os efectos do conflito en Oriente Medio na nosa comunidade. Durante a sesión de control no Pleno do Parlamento de Galicia en resposta ás preguntas dos grupos parlamentarios, o titular do Goberno galego lembrou, ao respecto da situación en Oriente Medio, que o Consello da Xunta xa analizou hai dúas semanas 'os primeiros impactos' e que Galicia foi 'a primeira comunidade autónoma en falar cos clústeres'. Nesta liña, o presidente anunciou que o vindeiro Consello autorizará 'un plan de máis de 150 millóns' para atender aos sectores afectados, que se sumará aos máis de 120 millóns que suporá para Galicia financiar as iniciativas do Goberno central a este respecto.
Para a edición de 2026, chegan desde o outro lado do Atlántico La Cura e El Vacío (ambas estreas en España), nas que o coreógrafo cubano Julio César Iglesias dirixe á prestixiosa Compañía Colombiana de Danza Contemporánea. Tamén a conferencia escénica Arder Épica (Cap. 1) na que o artista brasileiro Reinaldo Ribeiro constrúe unha nova memoria colectiva a partir das cinzas que deixou o incendio do Museo Nacional do Brasil en 2018. Forma parte tamén da programación a instalación inmersiva Hecatombe II: Movementos e rituais para a renovación do mundo, da colombiana de orixe indíxena Martha Hincapié Charry, que rescata saberes ancestrais de líderes nativos das primeiras nacións americanas.
