Noticias

O Gaiás presentará unha intervención artística de María Arceo con plásticos recollidos no río Sar e na costa galega

A Cidade da Cultura de Galicia presentará o 5 de xuño, nas Torres Hejduk, Plástico a mareas, unha intervención de María Arceo realizada a partir de refugallos deste material recollidos do río Sar e da costa galega para denunciar a contaminación na nosa contorna. Precisamente, hoxe a artista compostelá retirou en Santiago lixo neste caudal, dentro da iniciativa europea Ocean Initiatives Let´s clean up Europe! de recollida de desperdicios en espazos naturais. As accións en Galicia de Let’s clean up Europe! están promovidas por Viaqua, patrocinadora da intervención de María Arceo nas Hejduk. O venres tamén se levou a cabo unha iniciativa similar no río Lonia, en Ourense.

Tanto nesta limpeza, como na de hoxe no río Sar, procúrase unha chamada de atención á cidadanía co obxecto de sensibilizar do exceso de lixo que produce a sociedade actual. Da mesma forma, trátase dun xeito de implicar a poboación en diminuír este consumo e tamén na redución da contaminación.

Precisamente, a intervención artística de María Arceo, Plástico a mareas, alerta da enorme cantidade de plástico que se consume e do grave risco que supón isto para os fondos mariños e praias. De aí, a súa participación na campaña de limpeza de hoxe no río Sar en Santiago de Compostela, a súa cidade natal, aínda que leva vivindo en Londres desde 1984.

Ademais deste lixo, Plástico a mareas comporase dos refugallos de plástico que María Arceo está recollendo das súas batidas por praias galegas durante este mes de maio. Á vez, ten aberta unha campaña de colaboración para que todas aquelas persoas que, de xeito individual ou en colectivos estean a facer limpezas no litoral galego, traian o recollido para que forme parte da intervención. Deste xeito, a artista pretende tamén pór en valor a aportación desinteresada da xente na mellora da situación do noso medio.

Inauguración o Día Internacional do Medio Ambiente

Plástico a mareas inaugurarase o 5 de xuño, coincidindo ex profeso co Día Internacional do Medio Ambiente, xa que a artista compostelá María Arceo ten unha elevada sensibilidade e preocupación ante a contaminación dos espazos naturais, sobre todo da producida polos plásticos.

Así, tamén no río Támesis levou a cabo unha limpeza similar á de hoxe no Sar e todas as súas instalacións e intervencións van encamiñadas nesta liña de denuncia e alerta sobre a contaminación provocada polo exceso de consumo de plástico.

As Torres Hejduk foron as primeiras pezas que se alzaron na Cidade da Cultura e as únicas que non pertencen a Eisenman, senón ao arquitecto John Hejduk, que as concibiu como torres botánicas para o parque de Belvís. É un espazo que habitualmente acolle intervencións artísticas, tamén dentro da programación do Encontro de Artistas Novos (#EAN), que nesta novena edición exhibirá Stay here, de Alejandro Ginés.

R., 2019-05-13

Actualidad

Foto del resto de noticias (natureza.jpg) Unha plataforma de contidos permite que cada parque xestione a súa información que se proxecta ben a través de videowalls, pantallas informativas ou mesas interactivas. A distribución deste equipamento estarse a realizar en base a un estudo previo de necesidades e posibilidades de cada un dos espazos naturais contemplados no proxecto, que inclúe, tamén, solucións de realidade aumentada ou gafas de realidade virtual. Ademais, estes contidos están accesibles desde outras canles como o referido portal Galicia natural e única e a aplicación dos parques. No marco deste proxecto, tanto a web como a app ofrecen xa novas versións.
Foto de la tercera plana (industria-02.jpg) Galicia será unha das primeiras comunidades en dispoñer dun censo do solo empresarial, exhaustivo e actualizado, para facilitar a creación de empresas. Co obxectivo de ter mellor información sobre o total de solo empresarial dispoñible no conxunto da Comunidade, será obrigatoria e gratuíta a inscrición no censo de todas as áreas empresariais existentes en Galicia que teñan parcelas dispoñibles para a súa comercialización e tamén das áreas previstas para o seu inmediato desenvolvemento. Deste xeito, a obriga comprende a todas as áreas empresariais independentemente de que sexan propiedade de persoas físicas ou xurídicas.

Notas

A viola luguesa Iria Fernández Silva ofrecerá este luns no auditorio da Casa do Saber de Lugo, o concerto ‘Vibrando en catro cordas’, no que esta artista luguesa que xa se ten convertido nun valor en alza no ámbito da música de cámara, interpretará un amplo repertorio. O concerto que ofrecerá esta música nada no barrio lugués da Milagrosa encádrase no ciclo de novos talentos artísticos ‘Na Calzada’.
A tempada comezará con 'Divinas palabras', unha peza de Valle-Inclán dirixida por José Carlos Plaza e coa interpretación de María Adánez e Charo López. Virán despois 'La strada' (a versión para teatro do clásico de Fellini dirixida por Mario Gas e cun elenco conformado por Alfonso Lara, Mar Ulldemolins e Alberto Iglesias) e 'Perfectos desconocidos', dirixida por Daniel Guzmán e á que darán vida Alicia Borrachero, Antonio Pagudo, Fernando Soto, Elena Ballesteros, Jaime Zataraín, Ismael Fritschi e Inge Martín.
PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania