viernes, 16 de octubre de 2026
Este proxecto está composto polo libro Os nove anos de Fraguas en Lugo, que recolle textos dos promotores desta iniciativa, e doutros amigos e antigos alumnos de Antonio Fraguas, sobre os nove anos que este pasou en Lugo, e da fonda pegada que deixou neles e na sociedade lucense; unha exposición itinerante, composta por doce paneis, nos que se resumen os contidos do libro, e que nos vindeiros meses percorrerá toda Galicia; e a web fraguasenlugo.org, que recolle todas os contidos da publicación en papel.
Neste acto foron presentadas todas estas accións, e tamén se impuxo o nome Antonio Fraguas ó Arquivo e Biblioteca histórica do Instituto. Por outra banda, fíxose entrega ó centro do cadro realizado polo pintor Manuel Romero co gallo desta celebración.
Ao acto asistiron os promotores do proxecto: o profesor Manuel Regueiro Tenreiro, o historiador Antonio Prado Gómez; os antigos alumnos Xulián Parga, Paco Martín e Xulio Xiz, e outros antigos alumnos e amigos. Participaron tamén Valentín García Gómez, secretario xeral de Política Lingüística, en representación da Xunta de Galicia; o director do IES Lucus Augusti, Carlos Cazón, e o director de GaliciaDigital, Antonio Giz.
O proxecto "OS NOVE ANOS DE FRAGUAS EN LUGO contou coa colaboración do colectivo Egeria e de GaliciaDigital no desenvolvemento de todas estas accións, e co apoio da Xunta de Galicia.
A conselleira do Mar, Marta Villaverde, liderou esta na capital comunitaria a delegación da Conferencia de Rexións Periféricas Marítimas (CRPM) que mantivo unha reunión de traballo na sede da Dirección Xeral de Asuntos Marítimos e Pesca (DG MARE) con representantes deste departamento da Comisión Europea. No encontro participaron mandatarios e representantes de territorios costeiros de concas como o Atlántico, o Mediterráneo ou o mar do Norte para abordar a futura estratexia Visión 2040 e a necesaria actualización da Política Pesqueira Común (PPC).
Un total de cinco candidaturas galegas optan como finalistas aos XIX Premios Nacionais de Artesanía, convocados polo Ministerio de Industria, Comercio e Turismo. Galicia convértese así na comunidade con máis finalistas, con candidaturas en catro das cinco categorías. En concreto, os ceramistas Barreiros Artesanía e a deseñadora e redeira Amalia Puga optan ao Premio Produto, mentres que Sandra Vilas é candidata por segundo ano consecutivo ao Premio Emprendemento.
