lunes, 11 de mayo de 2026
Galicia e Portugal intercambian sinerxías para o impulso das infraestruturas verdes locais no marco do proxecto europeo Green Gap, no que participa a Consellería de Medio Ambiente e Cambio Climático a través do Instituto de Estudos do Territorio (IET).
Así, o director do IET, Enrique de Salvador, participou hoxe na II Xornada técnica sobre planificación de estratexias de infraestrutura verde a nivel local que se celebrou esta mañá en Santiago de Compostela e á que asistiron profesionais, técnicos, representantes institucionais e cidadanía interesada neste enfoque do desenvolvemento territorial para afrontar os retos ambientais e climáticos actuais.
Durante a xornada, abordáronse diferentes modelos para impulsar as infraestruturas verdes a través da presentación de distintas guías para o seu deseño, así como de casos prácticos como as estratexias deseñadas para a provincia de Ourense, Guimarães ou Paredes de Coura ou proxectos piloto de restauración ecolóxica, renaturalización ou mellora paisaxística.
A maiores, tamén se presentaron ferramentas innovadoras como o visor de estratexias locais e a plataforma transfronteiriza de custodia do territorio, así como do hub de coñecemento de infraestrutura verde e o programa formativo da Green Gap Academy.
Nese senso, o director do IET incidiu na importancia que ten a infraestrutura verde de cara a levar a cabo unha planificación territorial sostible. En concreto, trátase de crear unha rede territorial continua de espazos e elementos que melloren a resiliencia ante o cambio climático, contribúan á conservación da biodiversidade e beneficien ás poboacións das contornas nas que se desenvolvan.
Na xornada participaron tamén expertos das universidades da Coruña e do Minho, do Laboratorio da Paisagem de Guimarães, da Fundación CEER e do Laboratorio Rural da Cámara Municipal de Paredes de Coura, así como da Escola da Paisaxe da Fundación Juana de Vega.
Green Gap
O proxecto Green Gap para a Eurorrexión Galicia-Norte de Portugal ten como obxectivo contribuír a que as administracións locais xoguen un papel máis relevante na promoción das infraestruturas verdes nesta área transfronteiriza.
Cun orzamento de máis de 2,1 M, financiado no marco do Programa Interreg España-Portugal (Poctep 2021-2027), na iniciativa participan, ademais do IET, un conxunto de entidades locais, administracións supramunicipais con competencias nesta materia e entidades universitarias da Eurorrexión Galicia-Norte de Portugal.
Pola parte galega están implicadas a Universidade da Coruña, o Concello de Pontevedra, a Deputación de Ourense e a Fundación CEER, mentres que do lado portugués forman parte do proxecto a Cámara de Paredes de Coura, a Universidade do Minho, a Cámara de Guimarães, o Laboratorio da Paisagem de Guimarães así como a Agência Portuguesa do Ambiente e o Instituto da Conservação da Natureza das Florestas.
A programación desta nova edición volverá combinar espectáculos de sala, funcións de rúa, instalacións, música e propostas participativas arredor do mundo dos monicreques, con compañías galegas como Tanxarina Títeres, Títeres Alakrán, Babaluva, Mircromina, Trécola Producións, Troula Animación ou Bico de Toupa, xunto a formacións chegadas de diferentes puntos do Estado e de países como Francia, Italia, Portugal, Uruguai ou Arxentina. Entre as montaxes destacadas figura A Biblioteca Galáctica contra IA Fantástica, de Tanxarina Títeres, recoñecida nos Premios María Casares 2026, ademais de propostas premiadas como Gloria Bendita, de Arteria Producciones, ou Érase unha vez
dous pés!, da italiana Teatro dei Piedi.
Os bos resultados acadados nos últimos anos en biotecnoloxía sitúan a Galicia nunha posición de referencia neste sector, con moita proxección de futuro. A biotecnoloxía pasou de ser unha aposta estratéxica a converterse nun sector económico e científico con masa crítica, capacidades diferenciais e resultados medibles. Así o amosan os resultados acadados na execución da Estratexia de consolidación do sector en Galicia 21-25. Entre eles, destaca a creación de 30 novas empresas biotecnolóxicas, acadando a cifra de 162 compañías actuais; unha facturación de 2.037 millóns de euros, que cuadriplica a de 2021 e se sitúa no 2,6% do PIB; ou o aumento do emprego cualificado vencellado ao sector, acadando as 5.693 persoas traballadoras, tres veces máis desde 2021.
