Noticias

Galicia acollerá en 2020 a sexta edición da feira Unvex, o principal foro da industria dos drons a nivel internacional

Galicia acollerá en 2020 a sexta edición do evento Unvex, un foro centrado en sistemas non tripulados en España e Latinoamérica, organizado pola editorial IDS, especializada en información sobre mercados e industrias tecnolóxicas e editora de medios dixitais como Infodron, Infodefensa e Infoespacial. O evento celebrarase en Santiago de Compostela e o Polo aeroespacial de Rozas do 16 ao 18 de xuño de 2020, co patrocinio da Xunta de Galicia. O evento estará centrado nun mercado emerxente, o dos servizos públicos, xa que cada vez máis as administracións demandan solucións tecnolóxicas e eficientes para ofrecer mellores servizos aos cidadáns en ámbitos como a protección do medio ambiente, a vixilancia costeira, o rescate, as emerxencias, saúde e seguridade, infraestruturas ou acceso a áreas remotas.

A directora da Axencia Galega de Innovación (Gain), Patricia Argerey, anunciou a celebración en Galicia en 2020 da sexta edición do evento Unvex, un foro centrado en sistemas non tripulados en España e Latinoamérica, organizado pola editorial IDS, especializada en información sobre mercados e industrias tecnolóxicas e editora de medios dixitais como Infodron, Infodefensa e Infoespacial. Na presentación interveu tamén o director da feira e CEO de IDS, Ángel Macho. O evento celebrarase en Santiago de Compostela e o Polo aeroespacial de Rozas do 16 ao 18 de xuño de 2020, co patrocinio da Xunta de Galicia.

Argerey fixo este anuncio no marco da feira XPONENTIAL 2019, a principal cita internacional no ámbito da industria dos drons, que tivo lugar en Chicago do 30 de abril ao 2 de maio, á que asistiu a Xunta con empresas e centros tecnolóxicos que participan no Polo aeroespacial de Galicia co obxectivo de xerar novas oportunidades de negocio aos axentes implicados na iniciativa, contribuír a posicionar Galicia como un polo de referencia internacional no segmento dos vehículos non tripulados para uso civil.

Unvex 2020: centrado nos servizos públicos

Nesta edición, o evento estará centrado nun mercado emerxente, o dos servizos públicos, xa que cada vez máis as administracións demandan solucións tecnolóxicas e eficientes para ofrecer mellores servizos aos cidadáns en ámbitos como a protección do medio ambiente, a vixilancia costeira, o rescate, as emerxencias, saúde e seguridade, infraestruturas ou acceso a áreas remotas, entre outros. Neste eido, Galicia é pioneira a nivel europeo no lanzamento dunha iniciativa estratéxica para atraer investimento cara o sector aeroespacial e desenvolver un Polo tecnolóxico e industrial arredor dos sistemas e vehículos non tripulados, co obxectivo último de responder a retos actuais do sector público optimizando a prestación dos servizos á cidadanía, empregando a ferramenta da Compra Pública Innovadora (CPI).

Unvex 2020 persegue impulsar o uso de vehículos non tripulados para usos civís. Ofrecerá a posibilidade de escoitar a opinión de expertos que exporán as perspectivas de mercado, tecnoloxías e experiencias, así como debater sobre regulación e seguridade.

Dirixido a fabricantes, desenvolvedores de solucións, provedores de servizos e público xeral, o foro incluirá un programa con conferencias, debates e comunicacións técnicas para abordar todos os aspectos da aplicación de drons nos servizos públicos; unha área de exhibición para presentar todo tipo de equipamentos, sistemas ou servizos; demostracións de plataformas e sistemas no Centro de Investigación Aerotransportada de Rozas (CIAR); e un programa de conferencias dirixido a prescritores e público xeral para difundir coñecemento e as posibilidades tecnolóxicas dos sistemas non tripulados para os cidadáns. Na anterior edición, en 2018, Unvex reuniu 4.676 profesionais durante os tres días e 3.597 visitantes.

R., 2019-05-06

Actualidad

Foto del resto de noticias (natureza.jpg) Unha plataforma de contidos permite que cada parque xestione a súa información que se proxecta ben a través de videowalls, pantallas informativas ou mesas interactivas. A distribución deste equipamento estarse a realizar en base a un estudo previo de necesidades e posibilidades de cada un dos espazos naturais contemplados no proxecto, que inclúe, tamén, solucións de realidade aumentada ou gafas de realidade virtual. Ademais, estes contidos están accesibles desde outras canles como o referido portal Galicia natural e única e a aplicación dos parques. No marco deste proxecto, tanto a web como a app ofrecen xa novas versións.
Foto de la tercera plana (industria-02.jpg) Galicia será unha das primeiras comunidades en dispoñer dun censo do solo empresarial, exhaustivo e actualizado, para facilitar a creación de empresas. Co obxectivo de ter mellor información sobre o total de solo empresarial dispoñible no conxunto da Comunidade, será obrigatoria e gratuíta a inscrición no censo de todas as áreas empresariais existentes en Galicia que teñan parcelas dispoñibles para a súa comercialización e tamén das áreas previstas para o seu inmediato desenvolvemento. Deste xeito, a obriga comprende a todas as áreas empresariais independentemente de que sexan propiedade de persoas físicas ou xurídicas.

Notas

A viola luguesa Iria Fernández Silva ofrecerá este luns no auditorio da Casa do Saber de Lugo, o concerto ‘Vibrando en catro cordas’, no que esta artista luguesa que xa se ten convertido nun valor en alza no ámbito da música de cámara, interpretará un amplo repertorio. O concerto que ofrecerá esta música nada no barrio lugués da Milagrosa encádrase no ciclo de novos talentos artísticos ‘Na Calzada’.
A tempada comezará con 'Divinas palabras', unha peza de Valle-Inclán dirixida por José Carlos Plaza e coa interpretación de María Adánez e Charo López. Virán despois 'La strada' (a versión para teatro do clásico de Fellini dirixida por Mario Gas e cun elenco conformado por Alfonso Lara, Mar Ulldemolins e Alberto Iglesias) e 'Perfectos desconocidos', dirixida por Daniel Guzmán e á que darán vida Alicia Borrachero, Antonio Pagudo, Fernando Soto, Elena Ballesteros, Jaime Zataraín, Ismael Fritschi e Inge Martín.
PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania