jueves, 25 de septiembre de 2025
A conselleira de Medio Ambiente, Territorio e Vivenda, Ángeles Vázquez, e o xerente de zona Galicia-Asturias de Ecovidrio, Germán Fernández, presentaron esta mañá os resultados de reciclaxe de vidro, que no caso de Galicia arroxa uns datos espectaculares, pois a recuperación destas máis de 48.000 toneladas de vidro implican que cada galego reciclou unha media de case 18 kg ou o que é o mesmo unha media de 68 envases de vidro por habitante.
Grazas ao compromiso e á implicación dos galegos, Galicia sitúase como a segunda comunidade que rexistrou unha maior incremento na recollida selectiva a través do contedor verde, só por detrás da Comunidade de Madrid.
Ángeles Vázquez salientou que o éxito destas cifras tamén pon en valor a concienciación dos galegos co coidado do medio ambiente e os beneficios que a reciclaxe supón para a contorna e o futuro. Argumentou que unha das claves que está detrás destas cifras é a sensibilización e a concienciación, polo que transmitiu o seu desexo para seguir colaborando con Ecovidrio na posta en marcha de iniciativas como a campaña E ti de quen ves sendo; o fomento de actuacións de reciclaxe deste tipo de residuos nas festas populares, gastronómicas e eventos deportivos... ou en accións solidarias e de sensibilización como a campaña Recicla Vidro por elas.
Salientou que Galicia non se debe quedar atrás nesta carreira e engadiu que as melloras rexistradas neste eido son indicadores de que Galicia pode e debe ser un referente na economía circular. Ao mesmo tempo explicou que estas cifras son un reflexo de madurez social con respecto á xestión deste residuo, pois no ano 2000 a taxa de reciclaxe situábase nun 31,3% e na actualidade está nun 76,5%, e agradeceu a Ecovidrio o labor realizado ao longo destas décadas para concienciar e mudar os hábitos da sociedade en xeral e dos galegos, en particular.
As cifras de vidro en Galicia
Tal e como avanzaron a conselleira e o xerente de zona de Ecovidrio, en Galicia recicláronse 48.308 toneladas de residuos de envases de vidro a través do contedor verde en 2018. Ditos resultados demostran a tendencia ascendente e sostida que ano a ano se rexistra na Comunidade autónoma.
Galicia é a segunda comunidade do conxunto de España que rexistrou o maior incremento interanual da última década, cun 11% respecto das cifras rexistradas no ano 2017 e, ao mesmo tempo, está dentro das dez primeiras comunidades con mellores taxas de reciclaxe.
Cada cidadán reciclou unha media de case 18 kilos (17,9) o que equivale a 68 envases por habitante; equiparando a media de España, xa que no 2018 se reciclaron 893.989 toneladas de residuos, unha media de 18 kg/hab e 68 envases por persoa.
A contenerización é un aspecto fundamental para facilitar a reciclaxe de vidro. Así, no pasado ano se instalaron case 700 novos contedores, incrementando o parque nun 4,5%, ata acadar os case 16.000 iglús verdes na comunidade.
Para concluír, a conselleira destacou que este bo comportamento da Comunidade galega é un gran de area que suma no cumprimento e superación por parte de España nas esixencias marcadas pola Unión Europea, que sitúa a taxa de reciclaxe nun 60% e segundo as cifras estimadas sobre a taxa de reciclaxe en España supera en 16 puntos.
A conselleira de Política Social e Igualdade, Fabiola García, esixiu esta mañá ao Goberno central que ofreza 'explicacións convincentes' sobre os fallos detectados nas pulseiras antimaltrato e que 'tome solucións inmediatas'. Na súa intervención no Senado, solicitou que se dea a Galicia e ao resto de comunidades autónomas información sobre o alcance real destas incidencias. Fabiola García, que participou na sesión monográfica sobre violencia de xénero que tivo lugar hoxe no seo da Comisión Xeral das Comunidades Autónomas, indicou que a Xunta está recompilando información sobre os posibles casos acontecidos en Galicia e garantiu o apoio do Goberno galego a todas aquelas vítimas que se puideron ver afectadas.
A Cidade da Cultura apoia a creación contemporánea internacional ligada ao Camiño de Santiago coa estrea de Horizontes Errantes, un proxecto de danza e peregrinación artística da coreógrafa española Laura Aris e o bailarín alemán Jakob Jautz. A peza nútrese dos relatos da terra e dos seus habitantes, recollidos ao longo de 15 días de travesía entre Asturias e Santiago de Compostela seguindo o Camiño Primitivo. Así, durante desta semana, ambos os dous artistas estarán a traballar co músico portugués Jorge da Rocha no Gaiás, como parte do programa de residencias artísticas co que a Consellería de Cultura ofrece financiamento, espazos e recursos técnicos da Cidade da Cultura para facer realidade propostas de investigación e creación no ámbito da cultura contemporánea.
