domingo, 18 de octubre de 2026
O novo volume La letteratura galega. Autori e testi verte ao italiano medio cento de textos arredor doutras tantas figuras das Letras Galegas, da man dos tres Centros de Estudos Galegos (CEG) italianos -Padua, Roma e Perugia- da Rede de Lectorados e Centros de Estudos Galegos e no marco da colección Finisterrae, coa colaboración da Secretaría Xeral de Política Lingüística e da Real Academia Galega (RAG). O proxecto ten como obxectivo ofrecer unha obra de referencia e utililidade para quen se acheguen ás letras galegas, así como abranguer o ámbito universitario e literario da Italia máis galega, da Galicia máis internacional.
García Gómez destacou na presentación que esta nova antoloxía vén estreitar aínda máis o vínculo entre as literaturas galega e italiana, e o dos estudos filolóxicos en sentido amplo, para alén de darlle proxección e difusión á nosa lingua e cultura propias no mundo, a través de medio cento das figuras máis emblemáticas que protagonizaron desde 1863 as Letras Galegas".
Un dos desafíos da lingua, da literatura e da cultura galega na era da globalización é a súa posición exterior, a capacidade que teñamos para presentar no mundo o noso patrimonio e a nosa creatividade, neste caso a creatividade literaria. Iniciativas como esta abren camiños para facer máis universal a nosa literatura", salientou o presidente da RAG. "Agradecemos aos autores o seu interese, esforzo e traballo", concluíu.
Participaron, canda eles, no acto que acolleu o compostelán Pazo de San Roque, o director e a exlectora do CEG de Padua, Giovanni Borriero e Gemma Álvarez, respectivamente; o académico da RAG e autor do prólogo, Xesús Alonso Montero; e a subdirectora xeral de Política Lingüística, Mª Lourdes Batán.
Primeira antoloxía da literatura galega en italiano
Os CEG das universidades de Padua, Roma e Perugia (Italia), pertencentes á Rede de Lectorados e Centros de Estudos Galegos da Xunta de Galicia, editan, coa colaboración da Secretaría Xeral de Política Lingüística e da RAG, no marco da colección FInisterrae e baixo o prestixioso selo Cerocci Editore, o novo volume La letteratura galega. Autori e testi.
O libro, coeditado polos profesores Gemma Álvarez Maneiro e Giovanni Borriero (CEG de Padua), está prologado polo profesor, investigador e académico da RAG Xesús Alonso Montero e constitúe unha antoloxía en italiano que recolle 50 figuras homenaxeadas no Día das Letras Galegas no período 1963-2011 e artellado no seguinte esquema: cadansúa Biografía, cos datos máis salientables; Bibliografía (fontes tradicionais e dixitais) e escolma de Textos diversos e representativos na lingua orixinal e coa tradución ao italiano. Complétase cun Prólogo na ilustre pluma de D. Xesús Alonso Montero ; tres apéndices: Mapas, Feitos históricos e Publicacións periódicas. Para alén diso, o libro conta dun Glosario que presenta termos galegos que pola súa complexidade á hora de seren traducidos ao italiano perden esencia e remata cunha ampla e actual Bibliografía.
O xurado dos Premios da Cultura Galega 2026 reuniuse hoxe en Santiago de Compostela para outorgar os recoñecementos desta edición. A xuntanza, que tivo lugar na Cidade da Cultura de Galicia, estivo presidida polo conselleiro de Cultura, Lingua e Xuventude, José López Campos. Ao remate do acto, fíxose público o fallo nas distintas categorías propostas, resultando galardoados María Solar, en Letras; Almudena Fernández Fariña, en Artes Visuais; a compañía Elefante Elegante, en Artes Escénicas; a Asociación Galega de Empresas Musicais, en Música; Alfonso Zarauza, na categoría Audiovisual; Espazo Lectura, en Lingua; o Obradoiro de Gaitas Seivane, en Patrimonio Cultural; e o Festival EmigraSON, en Proxección Exterior.
O obxectivo desta rede de recursos é acompañar ás persoas con discapacidade ao longo da súa vida, desde os primeiros anos ata que se fan maiores, ofrecendo respostas axeitadas a cada etapa e a cada necesidade. Desde o ano 2016, o número de unidades de atención temperá aumentou ata as 57. Estes servizos públicos e gratuítos dirixidos a nenas e nenos de 0 a 6 anos de idade son fundamentais para detectar, previr e actuar ante trastornos de desenvolvemento. A Rede galega de atención temperá na actualidade chega a máis de 200 concellos e a 6.000 familias.
