sábado, 12 de julio de 2025
Así mesmo, os resultados medraron case un 2%, o que converte a Galicia na mellor comunidade da España Verde, a coalición que agrupa as rexións do norte peninsular da que forma parte activa xunto ao Principado de Asturias, Cantabria e País Vasco.
Desde a Xunta, considérase que as cifras certifican que a Estratexia do Turismo de Galicia 2020 está a funcionar satisfactoriamente, propiciando unha maior competitividade do destino e estimulando o desenvolvemento económico cun modelo de calidade e sustentabilidade.
Bo final de exercicio
Este resultado, derivado dun comportamento homoxéneo durante todo o ano, observouse tamén durante o último trimestre, coincidindo co outono-inverno. Durante ese período, o 74% dos empresarios logrou aumentar o manter os resultados respecto a 2017 e o 100% foi quen de mellorar o conservar o nivel de emprego. De igual xeito, máis do 76% mellorou ou preservou os seus prezos e o 71% repetiu este mesmo patrón coas súas reservas.
O informe tamén ofrece as primeiras perspectivas empresariais para 2019, nas que Galicia destaca aínda con maior intensidade. Así, as expectativas do sector sitúan á Comunidade como a terceira con maiores subidas en ventas, só por detrás de Estremadura e Madrid, cun crecemento estimado do 3,6%. Nos beneficios atópase igualmente en cuarto lugar, cun crecemento próximo ao 3%. De cara ao primeiro trimestre, o 80% dos empresarios confía en mellorar ou manter os seus resultados e o 85% prevé similar evolución nas súas vendas.
Exceltur atribúe este sobresaínte comportamento á decidida aposta durante os últimos anos polo reposicionamento e reinvención de produto e a diversificación de mercados, reforzando a fidelización de demanda interior e unha maior presenza de demanda internacional.
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
As diversas actividades do festival terán lugar do 28 de xullo ao 1 de agosto no claustro do Mosteiro de San Salvador de Celanova. A actuación que inaugurará a cita será a da Banda de Música de Celanova con James Morrison, un concerto único en España que terá lugar ás 20,30 horas. Ademais deste, subirán ao escenario a Boston Brass de Estados Unidos, Abraham Cupeiro coa Orquestra Gaos e pechará a edición o Hércules Brass Ensemble dirixido por Isabel Rubio e coa Boston Brass e Adam rapa como solistas. Así, os concertos complementaranse con cinco días de actividades formativas para un centenar de estudantes procedentes de distintas comunidades autónomas. Clases de alto nivel da man dalgúns dos participantes nas actuacións e un seguimento continuo e individualizado que garante un acompañamento pedagóxico para o alumnado.
