viernes, 19 de junio de 2026
Na Cidade da Cultura de Galicia programouse para estas datas unha programación específica de carácter familiar, Cidade do Nadal e continuouse coa exposición Castelao maxistral. A boa obra ao mestre honra, que rexistra desde a súa apertura, o 5 de outubro de 2018, preto de 25.000 visitas, das cales preto de 3.800 foron escolares, xa que está a espertar un grande interese entre a comunidade educativa.
Precisamente, hoxe reiniciouse o curso lectivo, e con el as visitas educativas que ten activas a Cidade da Cultura de Galicia para dar a coñecer á comunidade escolar a arte neste caso, a exposición Castelao maxistral, a arquitectura e os espazos naturais do Gaiás. Para esta semana, xa está concertada a presenza de máis de 300 escolares que están a mergullarse na exposición e prevese que, ao remate da mostra, uns 8.000 escolares de toda Galicia teñan pasado polo Museo Centro Gaiás para coñecela, tendo en conta o número de centros rexistrados para beneficiarse deste servizo, de balde previa inscrición.
Cidade do Nadal
As familias que ateigaron a Cidade da Cultura ata o pasado domingo, 6 de xaneiro, mergulláronse nun escenario que recreou, con rúas prazas e casas, unha vila inspirada nos nadais de diferentes época e lugares e que estivo dinamizada por diferentes e variados obradoiros creativos para a cativada. O Museo Centro Gaiás converteuse por completo nestas festas nunha Cidade do Nadal engalanada coa luz e as cores propias desta época do ano. Como novidade este ano, a Cidade da Cultura estreou tamén unha iluminación exterior que percorreu os diferentes edificios do complexo. Un camiño de luz inspirado no ceo estrelado e nas constelacións da Vía Láctea, que guiou os visitantes desde a Biblioteca e o Centro de Emprendemento ata o Museo.
Cidade do Nadal pechou tras ofrecer o espectáculo para todos os públicos Premio da Crítica Teatral en 2017 A nena dos pardais e entregar os premios do tradicional Concurso de Postais de Nadal, no que participaron máis de 150 rapaces e rapazas, de 0 a 9 anos de idade.
As actividades que veñen
Durante os primeiros meses de 2019, a Cidade da Cultura de Galicia continuará a despregar a súa programación cultural, centrada en xaneiro nas accións dinamizadoras de Castelao maxistral. Así, para este 17 de xaneiro está prevista unha xornada dedicada ao exilio, xa que foi nesta circunstancia cando o artista de Rianxo pintou o óleo A derradeira leición do mestre, que artella o relato da mostra. Deste xeito, o 17 de xaneiro, o Museo Centro Gaiás acollerá un concerto da Real Filharmonía de Galicia (RFG) cun repertorio centrado nos países que percorreu o intelectual galeguista e un encontro con persoas refuxiadas e exiliadas en Galicia, en colaboración con Aministía Internacional.
E para a última fin de semana de xaneiro, o 26 e 27, volverá o festival internacional de curtametraxes, Pequefilmes. Dous días de proxeccións, votacións, premios do público e obradoiros cos que dar resposta á demanda dun público pequeno en tamaño pero grande en esixencias. Nestas dúas xornadas contarase cunha emocionante e amplísima escolma das mellores producións internacionais actuais para esta audiencia, moitas delas premiadas e seleccionadas nos festivais de cinema infantil, xuvenil e de animación máis importantes do mundo (Annecy, Chicago ICFF, Animamundi, Animafest, Dresdner Kinderfilfest...).
O programa formativo Medrando Xuntas permitiu que as mulleres participantes traballasen habilidades clave como a comunicación, a organización, o liderado, a toma de decisións, a participación interna e a mellora da confianza profesional, ao tempo que se fomentou a creación dunha rede de mulleres que se apoian, colaboran e comparten recursos e que se deron a coñecer proxectos que están a transformar a economía. En primeiro lugar, Medrando Xuntas contou cun programa formativo para reforzar a súa participación nas entidades de economía social. En segundo lugar, a formación para directivas estaba dirixida a mulleres con responsabilidades de dirección ou proxección cara ao liderado.
Unha alianza entre o Instituto Tecnolóxico de Galicia (ITG) e as compañías Naturgy InnovaHub e Flythings Technologies desenvolverá unha plataforma enerxética que transformará residuos en produtos de alto valor engadido. Neste caso transformaranse residuos como lodos de depuradora, restos orgánicos e biomasas, en produtos de alto valor engadido como biocombustibles (hidrochar e biometano) e vectores enerxéticos sostibles (hidróxeno e syngas). Para iso, a nova unidade mixta combinará distintas tecnoloxías e incorporará sistemas híbridos de almacenamento con baterías e supercondensadores, ademais de empregar ferramentas como Internet das cousas, os xemelgos dixitais e a aprendizaxe automática.
