sábado, 8 de agosto de 2026
Nela compróbase como a frota de artes menores foi a que máis contribuíu a ese incremento da ocupación, cun aumento do 14,4% no persoal embarcado. Este segmento de frota sumou 826 mariñeiros neses dous anos, ata alcanzar un total de 6.558, co que se consolida como o máis importante para a pesca extractiva de Galicia.
O cerco tamén elevou a cifra de empregados a bordo, un 12,3% entre 2015 e 2017, ata contar con 1.312 tripulantes, 144 máis. Con estas dúas subas, e a pesares de rexistrar descensos noutros segmentos, o caladoiro nacional pechou estes dous anos de actividade en positivo, con 823 mariñeiros máis (un incremento próximo ao 10%), ata rozar os 9.300 profesionais embarcados.
Mentres, o emprego nos barcos das pesqueiras de augas comunitarias medrou un 0,3% e nas pesqueiras internacionais baixou un 7,8%. A frota, non obstante, mantívose practicamente estable entre 2015 e 2017, con só 19 embarcacións menos, o que supón un leve descenso do 0,4%.
Os resultados da enquisa Ocupesca, que mostra con cifras exactas a importancia socioeconómica da pesca e da acuicultura, revelan ademais que a facturación da frota pesqueira galega aumentou neses dous exercicios un 11%, ao pasar dos 801 millóns de ingresos obtidos en 2015 aos máis de 889 millóns de 2017. Esta suba produciuse en todos os segmentos de frota (caladoiro nacional, pesqueiras comunitarias e internacionais) e deixou unha facturación media de máis de 78.000 euros por tripulante e ano.
Estas cifras referendan non só a boa evolución dos niveis de afiliación ao Réxime Especial do Mar, senón que se ve acompañado por volumes de descargas e vendas en positivo, que avanzan superando medias e que fan que os termos económicos da actividade sexan tamén positivos, destaca a conselleira do Mar, Rosa Quintana, no prólogo da enquisa Ocupesca. Agardamos que esta boa evolución do emprego no mundo do mar sirva como aliciente para acadar o gran obxectivo da nosa estrutura marítimo-pesqueira: a remuda xeracional. O noso mar ten futuro se as persoas que traballan nel teñen futuro, conclúe a titular de Mar.
Acuicultura
No que se refire á acuicultura, o informe da Consellería do Mar mostra que a actividade do sector presentou un crecemento negativo e conta con 2.603 empresas dedicadas ao cultivo de mexillón, aos parques de cultivo e aos criadeiros, granxas, liñas de cultivo ou gaiolas. Os traballadores dependentes delas son máis de 5.200.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
