miércoles, 9 de julio de 2025
O conselleiro de Economía, Emprego e Industria, Francisco Conde, salientou hoxe na entrega dos Premios Artesanía de Galicia 2018, celebrada na Cidade da Cultura, que con estes galardóns se busca protexer e dar prestixio á artesanía galega, recoñecendo ás empresas artesanais a súa creatividade, adaptación ás tendencias de mercado e a súa aposta pola innovación.
Neste sentido, Conde destacou que estes premios naceron do compromiso da Xunta coa artesanía galega e co obxectivo de visibilizar a súa importancia social, patrimonial e económica. Ao mesmo tempo, afiánzase un sector artesán competitivo, consolídase o compromiso e prestixio da marca Artesanía de Galicia e poténciase a innovación e a cooperación con outros sectores produtivos.
Na súa intervención, o conselleiro lembrou o labor dos artesáns, fundamental para poñer en valor a tradición e a cultura, e que ten tamén un importante papel na actividade económica, contribuíndo á creación de emprego e riqueza e diversificando o rural galego. Así, o sector conta con preto de 3000 artesáns rexistrados, 600 obradoiros e dá traballo a 5000 persoas.
O conselleiro de Economía, Emprego e Industria salientou que a Xunta está comprometida con este colectivo, apostando polo talento, a formación, a innovación e a internacionalización. Entre outras iniciativas, está o programa para impulsar a remuda xeracional, coa incorporación de medio cento de aprendices para formarse nos obradoiros.
Recoñecementos á traxectoria, ao talento emerxente e á mellor obra
Os galardóns que hoxe se entregaron contan con tres categorías: Premio Artesanía de Galicia 2018, dotado con 6000 euros; Premio Traxectoria, de carácter honorífico; e Bolsa Eloy Gesto, dotada con 4000 euros para investir en formación especializada nun centro de prestixio.
O Premio Artesanía de Galicia está dirixido a obradoiros artesáns inscritos no Rexistro Xeral de Artesanía de Galicia. Prémiase a obra que represente as liñas desexadas para unha artesanía competitiva no mercado actual como son o deseño, a adaptación ou a conservación das técnicas e valores tradicionais máis característicos da artesanía galega, a incorporación ás tendencias actuais, a innovación e a boa calidade da obra. Nesta edición recae en Ana Tenorio, do obradoiro de cerámica Witchneeds, de Vigo, por O bosque interior. Trátase dun xogo de café que fai un tributo á natureza, reflexionando sobre a interacción coa mesma.
O Premio Traxectoria ten carácter honorífico e trátase dun recoñecemento proposto polo propio sector. O homenaxeado este ano é Manuel Castro Romero Lolo, torneiro das Pontes, cuxa candidatura foi presentada pola Asociación Galega de Artesáns (AGA). Este artesán conta con 55 anos dedicado a un oficio con longa tradición na súa familia. Trátase dun dos mellores torneiros de madeira de Europa, que segue a ter un papel fundamental na divulgación e na transmisión do oficio do torneado de madeira, así como no fomento da remuda xeracional no sector.
A través da Bolsa Eloy Gesto a Xunta busca potenciar o relevo xeracional no sector, o acceso de novos talentos á artesanía e a súa profesionalización. A premiada é Cristina Velasco, do obradoiro coruñés Anaquiños de papel, especializado en origami e paperart, técnicas coas que elaboran flores, animais, tocados ou lámpadas.
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
As diversas actividades do festival terán lugar do 28 de xullo ao 1 de agosto no claustro do Mosteiro de San Salvador de Celanova. A actuación que inaugurará a cita será a da Banda de Música de Celanova con James Morrison, un concerto único en España que terá lugar ás 20,30 horas. Ademais deste, subirán ao escenario a Boston Brass de Estados Unidos, Abraham Cupeiro coa Orquestra Gaos e pechará a edición o Hércules Brass Ensemble dirixido por Isabel Rubio e coa Boston Brass e Adam rapa como solistas. Así, os concertos complementaranse con cinco días de actividades formativas para un centenar de estudantes procedentes de distintas comunidades autónomas. Clases de alto nivel da man dalgúns dos participantes nas actuacións e un seguimento continuo e individualizado que garante un acompañamento pedagóxico para o alumnado que xa leva participado en varias edicións consecutivas do festival.
