domingo, 19 de abril de 2026
O presidente do Goberno galego, Alberto Núñez Feijóo, destacou hoxe, na rolda de prensa do Consello, a posta en marcha da primeira Estratexia galega de economía social que, cun orzamentos global de 73 millóns de euros, impulsará un total de 25 medidas ata 2021, co obxectivo de xerar 3.000 empregos e crear 300 novas entidades neste eido.
Trátase dunha iniciativa consensuada co sector para crear novas oportunidades de negocio en empresas que están enfocadas ás persoas e que contan cunha maior cohesión territorial e social.
En concreto, esta estratexia está dirixida, principalmente, ás cooperativas, ás sociedades laborais, aos centros especiais de emprego e ás empresas de inserción laboral. En total, 3.000 entidades que xeran preto de 14.500 empregos e que contan cun volume de negocio próximo aos 3.000 millóns de euros.
Durante a súa intervención, Feijóo precisou que o obxectivo final da nova Estratexia Galega de Economía Social será incrementar nun 10% as entidades de economía social, chegando ás 3.300; aumentar nun 20% os empregos, ata os preto de 17.500; potenciar a presenza feminina nestas entidades, acadando o 50% de mulleres promotoras nas novas cooperativas e sociedades laborais; e reducir á metade o tempo de constitución destas entidades, favorecendo o procedemento electrónico e mellorando a organización dos rexistros.
Por outra banda, e entre os retos aos que se enfronta esta folla de ruta, destacou o de sumar capacidades, para o cal se destinarán 24 millóns de euros. Neste sentido, impulsaranse iniciativas como: un programa de fomento da economía social entre o alumnado universitario e de formación profesional; a creación de cooperativas escolares entre os estudantes de Primaria e Secundaria para que coñezan este sector e os seus valores; ou a aprobación de incentivos ao emprendemento para as empresas de nova creación baseadas na tecnoloxía e na economía colaborativa e circular. Ademais, reforzaranse as iniciativas de formación como os laboratorios cooperativos.
Ao segundo reto, para sumar sustentabilidade, destinarase unha achega de 46,5 millóns de euros. O presidente da Xunta resaltou que se fomentarán proxectos de innovación; facilitarase a internacionalización; buscaranse novos mecanismos de financiamento; promoverase a produción responsable; actualizarase o marco normativo e favorecerase o acceso á contratación pública.
Neste sentido, como novidade, apoiaranse os procesos de cooperación e integración empresarial para que estas entidades gañen en competitividade; adecuarase a normativa galega no ámbito das cooperativas, centros especiais de emprego e empresas de inserción ás necesidades actuais; modernizaranse os rexistros destas empresas para facilitarlles os trámites e mellorar a recompilación de información; impulsaranse programas de financiamento, como o do Fondo de Economía Social de XesGalicia; e apoiarase ás entidades que promoven a inserción laboral das persoas con discapacidade ou en risco de exclusión.
Por último, e co obxectivo de sumar identidade, investiranse 2,5 millóns de euros para desenvolver medidas encamiñadas a mellorar a visibilidade e o coñecemento destas entidades, entre as que destacan: a publicación dun catálogo da economía social onde se analizará o sector; novas campañas de difusión; a activación do Consello Galego de Economía Social; e a dinamización da Rede Eusumo.
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
