lunes, 19 de octubre de 2026
A feira das industrias culturais Culturgal anunciou hoxe a programación completa que desenvolverá do 30 de novembro ao 2 de decembro no Pazo da Cultura de Pontevedra baixo o lema Ti marcas o compás. Será a undécima edición deste evento, que volve contar co apoio económico da Xunta de Galicia como a principal entidade patrocinadora.
En concreto, este ano a Consellería de Cultura e Turismo incrementou a súa achega ata 65.000 euros (10.000 euros máis que en 2017) mediante o convenio asinado entre a Axencia Galega das Industrias Culturais (Agadic) e a Asociación Culturgal, organizadora da feira homónima, que reunirá máis de 80 expositores e lle proporá ao público galego 120 citas lúdicas, divulgativas e de promoción en todos os ámbitos culturais.
Así o explicou o director da Agadic, Jacobo Sutil, na presentación desta undécima edición, onde especificou que a estreita colaboración da Xunta con este evento esténdese, así mesmo, a unha vintena de actividades inseridas no programa de 2018 e promovidas directamente por diferentes departamentos da Consellería. Atópanse, entre elas, talleres infantís e xornadas profesionais, ademais de presentacións de publicacións, campañas de dinamización e avances de próximas accións culturais, algunhas xa vinculadas á celebración do Xacobeo 2021.
Promoción cultural aberta e diversa
O obxectivo é participar activamente en Culturgal desde unha dobre perspectiva: deixando testemuño da colaboración da Xunta en multitude de accións culturais ao longo do ano e reivindicando o obrigado papel da Administración autonómica como promotora cultural aberta e diversa, sinalou o responsable da Agadic, quen asistiu a este acto en representación da Consellería de Cultura e Turismo xunto ao secretario xeral de Política Lingüística, Valentín García.
Participaron tamén a concelleira de Cultura de Pontevedra, Carmen Fouces; o deputado de Cultura da Deputación Provincial, Xosé Leal; o presidente en funcións da Asociación Culturgal, Víctor López; e o director da feira, Xosé Aldea, quen detallou as principais novidades de 2018, entre as que destaca a estrea dunha área gastronómica ou a posta en marcha dun servizo específico de autobuses a Culturgal desde Ourense, Lugo, Ferrol, A Coruña e Santiago de Compostela.
Dentro do Pazo da Cultura, a programación desenvolverase en diferentes áreas e escenarios que ocupan unha superficie de preto de 6000 m2: a Carpa, para os directos de música; o Espazo Libro, que acollerá sinaturas, presentacións, conversas e debates arredor da produción literaria; o Espazo Infantil, para os espectáculos dirixidos aos espectadores máis novos; e o Foro, un lugar heteroxéneo que o venres 30 acollerá actividades específicas para profesionais da cultura. Ademais, e por segundo ano consecutivo, o Espazo Arte Contemporánea instalarase na sala de exposicións do edificio.
Catro espectáculos especiais
Entre os espectáculos especiais programados por Culturgal 2018, o venres dedicarase ás artes escénicas coa montaxe Sofía e as postsocráticas, de Inversa Teatro, mentres que Carlos Núñez será o protagonista da noite do sábado con A irmandade dos celtas. Por último, o domingo representaranse dúas propostas para público familiar: Paio e o poder da música, de Oviravai, e A cada do terror, de Xoán Curiel. As entradas para estas funcións xa están á venda a través do web www.ticketea.com.
Un ano máis, a Asociación Culturgal, da que forman parte cinco asociacións profesionais Asociación Galega de Editoras (AGE), Escena Galega, Asociación Galega de Produtoras Independentes (Agapi), Asociación Galega de Empresas Musicais (AGEM) e Empresas Galegas dedicadas a Internet e ás Novas Tecnoloxías (Eganet) que representan máis de 150 empresas do sector, encárgase da organización deste multitudinario evento, que o ano congrega arredor de 15.000 visitantes.
O xurado dos Premios da Cultura Galega 2026 reuniuse hoxe en Santiago de Compostela para outorgar os recoñecementos desta edición. A xuntanza, que tivo lugar na Cidade da Cultura de Galicia, estivo presidida polo conselleiro de Cultura, Lingua e Xuventude, José López Campos. Ao remate do acto, fíxose público o fallo nas distintas categorías propostas, resultando galardoados María Solar, en Letras; Almudena Fernández Fariña, en Artes Visuais; a compañía Elefante Elegante, en Artes Escénicas; a Asociación Galega de Empresas Musicais, en Música; Alfonso Zarauza, na categoría Audiovisual; Espazo Lectura, en Lingua; o Obradoiro de Gaitas Seivane, en Patrimonio Cultural; e o Festival EmigraSON, en Proxección Exterior.
O obxectivo desta rede de recursos é acompañar ás persoas con discapacidade ao longo da súa vida, desde os primeiros anos ata que se fan maiores, ofrecendo respostas axeitadas a cada etapa e a cada necesidade. Desde o ano 2016, o número de unidades de atención temperá aumentou ata as 57. Estes servizos públicos e gratuítos dirixidos a nenas e nenos de 0 a 6 anos de idade son fundamentais para detectar, previr e actuar ante trastornos de desenvolvemento. A Rede galega de atención temperá na actualidade chega a máis de 200 concellos e a 6.000 familias.
