martes, 23 de abril de 2024
Esta mañá, a decana do Colexio Oficial de Psicoloxía, Mª Rosa Álvarez Prada, e a secretaria xeral da Igualdade da Xunta de Galicia, Susana López Abella, asinaron un convenio de colaboración para a posta en marcha dun servizo pioneiro no Estado de garda psicolóxica especializada e permanente para as mulleres que sofren violencia de xénero e os seus fillos e fillas menores de idade.
Trátase dun servizo de atención psicolóxica especializada que terá carácter inmediato e que se prestará a requirimento das forzas e corpos de seguridade en todos os partidos xudiciais galegos nos momentos posteriores a unha agresión ou situación violenta. Activarase a través dunha chamada ao Teléfono de Información ás Mulleres que contactará co psicólogo ou psicóloga correspondente para que acuda ao lugar demandado, o que facilitará prestar atención psicolóxica nun dos momentos máis determinantes para as vítimas de violencia de xénero.
Este servizo vaise desenvolver ao abeiro do Pacto de Estado contra a Violencia de Xénero, co fin de cubrir a necesidade de establecer un sistema de acompañamento e de axuda na toma de decisións ás mulleres vítimas de violencia de xénero, co fin de evitar a súa desprotección e garantir o dereito á asistencia integral. Deste modo, búscase detectar as súas necesidades psicolóxicas e facilitar a súa cobertura, evitar a vitimización secundaria, mellorar a coordinación co resto de operadores que estea a intervir na súa situación concreta e, así mesmo, ofrecer información sobre os recursos e itinerarios dispoñibles para as vítimas de violencia de xénero en Galicia.
O evento, que reunirá na cidade herculina a artistas contemporáneos do talle de Grande Amore, Boyanka Kostova, Lontreira e Leria, nace co obxectivo de potenciar a música actual en galego, e se enmarca na iniciativa cultura homónima nacida no Equipo de Dinamización da Lingua Galega do instituto Rafael Dieste co obxectivo de promover o uso do galego entre a mocidade. A día de hoxe, involucra máis de 200 centros de toda a comunidade e preto de 50.000 estudantes que, a través de entrevistas, actuacións e campañas nas redes sociais, animan a rapazada a falar na lingua propia de Galicia.
A Business Factory Aero, o programa de incubación, aceleración e consolidación de empresas do sector aeroespacial, promovido pola Xunta de Galicia e xestionado pola Fundación CEL Iniciativas por Lugo, foi escollido pola Fundación de las Cajas de Ahorro (Funcas) e pola Universidad Rey Juan Carlos como a mellor Aceleradora en 2024 na categoría de Avanzadas. Este primeiro posto no ranking nacional supón un importante recoñecemento ao labor desenvolvido polo Goberno galego, no marco do Polo Aeroespacial de Galicia, para a retención e atracción de talento no sector e para a creación de emprego de alta cualificación na comunidade.
