viernes, 26 de abril de 2024
O calendario de actividades desta nova entrega de AuGAL foi presentado hoxe na Casa das Campás por Jacobo Sutil, director da Agadic; Manuel Morquecho, director da Área de Dinamización Cultural, Educativa e Integración do Campus de Pontevedra da Universidade de Vigo; e Paulino Pérez, coordinador da Master Class do Audiovisual Galego 2018-2019 xunto a Fortunato Rodríguez e a Miguel Anxo Fernández.
Na súa intervención, Jacobo Sutil destacou como principal novidade desta edición os catro talleres impartidos por profesionais do audiovisual galego, que veñen complementar o xa habitual programa arredor de recentes producións galegas de cinema e televisión, comentadas polos seus equipos: Unha vez máis, o conxunto do programa de AuGAL confirma a súa forte aposta tanto polo noso audiovisual como polos profesionais que o fan posible, ao tempo que reflicte a puxanza dun sector que, para a Xunta de Galicia, é estratéxico, sinalou.
Trece profesionais no programa
Trece destacados profesionais en diferentes ámbitos do sector serán o encargados de achegarlle o seu oficio ao alumnado nas diferentes sesións incluídas no programa, que dará comezo o vindeiro luns 26 co obradoiro sobre cor a cargo de Fernando Alfonsín e Alfonso Merino, de Alfonsín Digital Lab. Seguiralle o que impartirá o martes 27 o director de fotografía Suso Bello. En ambos os casos o horario da actividade será de 12,00 a 14,00 e de 16,00 a 20,00 h.
Son e guión serán tamén obxecto de cadanseu taller no mes de marzo da man respectivamente de Miguel Barbosa, de Sound Troop, o día 11; e de Raúl García Pérez, director, guionista e profesor asociado na Facultade de Comunicación Audiovisual da Coruña, o día 25.
Como en anteriores edicións, a produción audiovisual galega centrará unha parte importante da actividade a través de tres sesións de presentación e coloquio arredor dos títulos proxectados. Entre eles, as tres fitas que se exhibirán o 12 de decembro baixo o epígrafe Curtas desde a Uvigo. Documental e ficción: A meca dos cines, de Dunia Alvarez Prieto; La mujer invisible, de Noemi Chantada; e Brotes, de Jorge Fernández.
La sombra de la ley e A estación violenta
Xa en febreiro, será a quenda para dúas longametraxes de ficción, ambas producidas co apoio da Agadic a través do seu programa anual de subvencións ao sector. Neste caso as citas serán o día 5 con La sombra de la ley, presentada e comentada polo seu director, Dani de la Torre, e pola produtora Emma Lustres, de Vaca Films; e o día 12 con A estación violenta, para a que se contará coa súa directora, Anxos Fazáns, e o seu produtor, Dani Froiz.
A oitava edición da Master Class do Audiovisual Galego chegará ao seu fin o 16 de abril coa conferencia Como se comercializa un produto audiovisual?, impartida por Elena Mera, de Treeline Distribution, á que seguirá o acto de entrega dos diplomas de asistencia que lles outorgará a Agadic aos participantes.
O programa de AuGAL está dirixido tanto a estudantes como a profesionais do sector. A matrícula é gratuíta e debe formalizarse enviando ao correo electrónico audiovisual.agadic@xunta.gal o formulario de inscrición que pode descargarse na web da Agadic. As prazas son limitadas e adxudicaranse por orde de inscrición.
A Formación Profesional galega contará a partir do vindeiro curso co dobre de inglés do marcado como mínimo na normativa básica estatal e permitirá ao alumnado realizar ata 700 horas de formación práctica, ata un 82% máis que ata o momento. Todo isto mantendo o peso da formación no centro educativo, cuxo profesorado é o piar fundamental do éxito acadado polo sistema galego de FP nos últimos anos. O modelo de FP de éxito tense adiantado e implementado moitos dos cambios que agora o Ministerio toma como sistema a imitar en toda España. Polo tanto a aplicación da nova lei vai ser flexible, de tal forma que en Galicia se manteña a excelencia e se incorporen as novidades.
Foi presentado o evento The Way Startup Summit 2024, que un ano máis convertirá a Vigo no maior foro de emprendemento, innovación e investimento no Noroeste de España e cita de referencia a nivel nacional. O programa de They Way contempla tres grandes escenarios ao redor da innovación, o emprendemento e o investimento, así como a organización de espazos de networking entre os asistentes, co obxectivo de que establezan contactos, intercambien coñecementos e propíciense sinerxias entre eles. The Way desenvolverase os días 9 e 10 de maio abordando temas como os retos de futuro das FinTech, da mobilidade, da alimentación, do retail, do turismo, do deporte ou do téxtil, entre outras áreas.
