miércoles, 21 de mayo de 2025
O tecido empresarial do ecosistema galego de biotecnoloxía estivo representado por Bioga e o Clúster da Saúde de Galicia, as tres Universidades, e conta co impulso da Axencia Galega de Innovación (GAIN) e a Axencia de Coñecemento en Saúde (ACIS).
O conselleiro de Economía, Emprego e Industria, Francisco Conde, considera que Galicia está a marcar fitos neste sector como o de contar coa primeira incubadora de fármacos de España da man da Fundación Kaertor e Janssen, impulsar cinco Unidades Mixtas de Investigación no sector bio nas que colaboran empresas da talla de Roche, Laboratorio Esteve, Jealsa-Escurís, Calvo ou Coren e a próxima posta en marcha en Santiago, xunto coa Fundación Incyde, dunha aceleradora especializada no sector biotecnolóxico.
Recordou o conselleiro, que acudiu á Feira para apoiar ao sector, que se ven de poñer en marcha a Estratexia Galega de Impulso á Biotecnoloxía 2016-2020, dentro do que xa están en marcha máis do 80% das accións previstas, mobilizándose 107 millóns de euros (Máis do 50% do previsto), salientando que a tecnoloxía vai camiño de converterse nun dos sectores estratéxicos da economía galega, no que xa factura anualmente 258 millóns de euros.
A feira celebrada e Sevilla estivo centrada no campo biomédico, pero tamén abarcou os campos agroalimentario, o industrial ou a bioeconomía, considerando a Xunta sinalou o conselleiro - que se trata dunha importante ocasión para dar a coñecer o que Galicia está realizando para converterse nun referente.
Ecosistema biotecnolóxico da Comunidade galega
A cuarta parte das empresas biotech galegas xa iniciaron o seu proceso de internacionalización, tendo como obxectivos a captación de investimentos para o sector, no que as mellores oportunidades se atopan en eidos como os novos produtos para o lácteo, os recursos mariños, o envellecemento activo ou o descubrimento de fármacos.
Falou o conselleiro, con motivo desta Feira, para potenciais investidores e business angels, no marco da presentación do Ecosistema galego de Biotecnoloxía, sinalando que todos os avances que nestes últimos anos se foron producindo nesta industria débense ao traballo proactivo, coordinado e transversal de todos os axentes, a través da Estratexia de Impulso á Biotecnoloxía 2020, que mobilizará 200 millóns en investimentos. Do mesmo xeito, lembrou Conde, desde a posta en marcha da Estratexia tamén se fundaron 11 novas compañías biotech, alcanzando o cento de empresas que se dedican en Galicia en exclusiva a producir biotecnoloxía, cun investimento en I+D de 37 millóns de euros, e xa se teñen creado 125 novos empregos no sector.
O titular de Economía sinalou que, ao tempo que se aposta por reforzar o sistema galego de saúde, avanzando en novos produtos e servizos para os cidadáns, a biotecnoloxía galega posiciónase como unha tecnoloxía facilitadora e como valor engadido na industria galega, en sectores como a pesca, a agricultura, ou o ámbito sociosanitario.
Innovación no sector biotecnolóxico
O sector biotecnolóxico está chamado a ser un dos terreos con máis oportunidades de crecemento nos próximos anos e, para Galicia, é un dos eidos clave dentro da Estratexia de Especialización Intelixente (RIS3). Así, a Xunta conta, desde 2016, coa Estratexia de Impulso á Biotecnoloxía 2020, que mobiliza 200 millóns en investimentos.
A posta en marcha da Estratexia contou coa participación e colaboración de 66 axentes do sector entre empresas, universidades, fundacións, sistema hospitalario, centros tecnolóxicos e de investigación, clústers e asociacións e a propia Xunta que aposta por seguir nesta senda da colaboración e do traballo conxunto para dar o impulso definitivo a un sector no que Galicia está chamada a ser un referente.
A Estratexia de Especialización Intelixente afronta os dous próximos anos en Galicia co obxectivo de incidir nesa cohesión do ecosistema biotecnolóxico a través dos futuros Hubs de innovación dixital.
Diferentes espazos singulares ao longo do litoral de Galicia serán o escenario dunha nova coprodución teatral do Centro Dramático Galego que, baixo o título Costa da Morte, cartografía dun naufraxio, ten xa programadas 17 representacións entre os meses de xuño e xullo. A creadora Mariña Lestón asina a dramaturxia, dirección e produción desta montaxe, que ela mesma pon en escena para propoñer unha viaxe pola nosa historia marítima a través de relatos reais e cantigas populares interpretadas en directo. Desta volta, Costa da Morte, cartografía dun naufraxio busca poñer en valor o pasado marítimo de Galicia como parte dunha identidade propia, atopándose co público en faros, peiraos, praias e outros lugares de numerosas localidades costeiras.
A campaña é froito da colaboración entre a Xunta e a Federación Galega de Comercio e conta co apoio das Federacións Provinciais de Comercio, as asociacións de comerciantes, os centros comerciais abertos de Galicia e de Abanca. Ten como novidade esta edición -a maiores do sorteo das 44 tarxetas por valor de 250 euros e 60 de 150 euros para mercar nos comercios minoristas galegos- o sorteo en directo entre os asistentes á entrega de premios dun premio de 3.000 euros, para gastar nunha xornada de compras na localidade elexida pola persoa gañadora. Tamén co obxectivo de acadar un impacto directo sobre os comercios e o tecido asociativo de contornas máis locais, darase continuidade á campaña Merca no teu comercio.
