Conmemoración do Día mundial da erradicación da pobreza
A Xunta analizará a situación das persoas sen fogar en Galicia co obxectivo de elaborar un plan de atención específico. A cifra de galegas e galegos que sofren carencia material severa reduciuse nun 40% e supón xa menos da metade da media nacional
A conselleira de Política Social, Fabiola García, adiantou que a Xunta de Galicia analizará un Estudo sobre a situación das persoas sen fogar en Galicia, elaborado en colaboración con Cruz Vermella, un informe que será a base dun futuro Plan de atención ás persoas sen fogar, que redactaremos coas entidades sociais. Así mesmo lembrou que antes de finalizar o ano aprobarase o novo Decreto da Renda de inserción social de Galicia (Risga).
Así o indicou durante o acto conmemorativo do Día mundial da erradicación da pobreza celebrado no Parlamento de Galicia e no que a Rede Galega de Loita Contra a Pobreza (EAPN Galicia) inaugurou a súa exposición Ninguén á marxe. A conselleira sinalou que o progreso económico e o benestar social non estarán completos ata que non cheguen á totalidade dos cidadáns. Por iso, fixo fincapé na necesidade de aumentar a concienciación tanto das Administracións públicas como do conxunto da sociedade, así como de avanzar na loita contra os medos e prexuízos que aínda existen cara os que están atravesando situacións de dificultade.
Fabiola García fixo fincapé en que a Xunta de Galicia apoia a aquelas asociacións e axentes que loitan contra as desigualdades a pé de campo e traballa en coordinación con outras administracións. Este espírito plasmouse na Axenda Social Única de Galicia, acordada cos concellos galegos e con EAPN-Galicia. Esta suma de esforzos contribuíu a que os datos de pobreza e exclusión social leven varios anos reducíndose de xeito constante. Así, a titular da carteira social destacou que a cifra de galegas e galegos que sofren carencia material severa reduciuse nun 40% e supón xa menos da metade da media nacional. Así mesmo, a taxa de risco de pobreza ou exclusión social volveu caer e é a máis baixa dos últimos cinco anos e o número de persoas que solicitaron a Risga baixou nun 10% no último ano.
A conselleira rematou a súa intervención agradecendo o labor de EAPN-Galicia na visibilización e loita das situacións de pobreza. O voso compromiso é vital para lograr unha Galicia máis xusta, concluíu.
, 2018-10-16
Actualidad
O equipo, eminentemente galego e cunha moi alta porcentaxe feminina, está a filmar en distintas localizacións das provincias da Coruña e Lugo, a través das que se reconstrúe o nacemento e a evolución da mítica fábrica de cerámica, que se deu en chamar a Bauhaus galega polas cores, formas e deseños vangardistas das súas creacións. Ao tempo, contarase tamén a historia de Galicia a través do seu deseño, cos seus elementos diferenciais e de calidade no centro do discurso. Outros dos escenarios polos que discorrerá Hoxe e o resto do mundo son Cervo (Lugo), onde comeza esta historia a primeiros do século XIX, Sada (A Coruña) e Santiago de Compostela, ademais doutros espazos da cidade herculina.
O CDG celebra os 40 anos da súa fundación desenvolvendo unha intensa programación que estende a súa actividade á produción e participación en 15 espectáculos e proxectos escénicos, a máis de 100 concellos de toda a Comunidade e á colaboración con entidades dunha decena de países en Europa e América. En palabras de Román Rodríguez, conselleiro de Cultura, a unidade teatral continuará avanzando nunhas liñas mestras que, desde o respecto ao pasado, poñen o foco en novas vías de encontro coa cidadanía, na accesibilidade, na proxección exterior ou na creación galega.
Notas
A Facultade de Química será entre os días 3 e 6 de setembro a sede do XI Congreso Internacional de Nanociencia e Nanotecnoloxía Analítica (XI NyNA 2024). O encontro está organizado polo grupo de investigación de Elementos Traza, Espectroscopía e Especiación (GETEE) e o Instituto de Materiais (iMATUS) da USC coa colaboración do Grupo Especializado en Ciencia e Tecnoloxías (Bio) Analíticas da Real Sociedade Española de Química (RSEQ).
Os vindeiros 9, 10 e 11 de abril celébrase na Universidade da Coruña o primeiro congreso IA & Hospitality, un espazo onde se analizará a relación presente e futura entre a Intelixencia Artificial e o turismo, un dos principais motores económicos do noso país. O programa do congreso, que terá lugar no Paraninfo da UDC, inclúe oito mesas de debate nas que se tratará dende a experiencia do cliente ata a ciberseguridade e os destinos e a IA.