jueves, 25 de abril de 2024
A Axencia Galega das Industrias Culturais (Agadic) da Consellería de Cultura e Turismo colabora co festival Cinespaña de Toulouse (Francia), certame que acolle estes días a proxección de 11 filmes galegos. Son cinco longametraxes e seis curtas, reunidas baixo o título de Paisaxes periféricas, as que se exhiben con varios pases en distintos espazos da cidade gala.
As fitas foron seleccionadas pola organización do festival para ofrecerlle ao público unha visión conxunta da corrente denominada Novo Cinema Galego. Trátase das longametraxes A estación violenta, de Anxos Fazáns (2017); Dhogs, de Andrés Goteira (2017); No cow on the ice, de Eloy Domínguez Serén (2015); Costa da Morte, de Lois Patiño (2013); e Todos vós sodes capitáns, de Oliver Laxe (2010). No apartado de curtas inclúense Matria, de Álvaro Gago (2017); Rapa das bestas, de Jaione Camborda (2017); Plus Ultra, de Helena Girón e Samuel Delgado (2017); Decorado, de Alberto Vázquez (2016); Ser e voltar, de Xacio Baño (2014); e Ser de luz, de Diana Toucedo (2009).
O programa dedicado ao noso audiovisual comezou o pasado domingo cunha mesa redonda na que participaron o produtor Felipe Lage e as directoras Anxos Fazáns e Diana Toucedo. Foi a primeira actividade da carteleira galega, que o festival presenta como unha escolma de películas de ficción, documentais e curtametraxes de estilo vangardista creadas por realizadores e realizadoras emerxentes e con trazos estilísticos e temáticos comúns: a relación entre home e paisaxe, a forte presenza do mundo rural ou o tratamento de temas como a emigración ou as diferenzas xeracionais.
Cinespaña está organizado por AFICH, Association du Festival International du Cinéma Hispanique, un colectivo que traballa pola difusión do cinema español en Francia. O festival anual, que celebra ata o 14 de outubro a súa 23ª edición, rexistra usualmente unhas cifras totais de asistencia ás proxeccións de 18.000 persoas.
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
