lunes, 20 de abril de 2026
Busca cumprir 2 obxectivos a longo prazo: xerar emprego e fixar poboación na provincia. Farao a través de 4 liñas básicas de acción: promoción do 3º sector, plan de 1ª oportunidade, fomento do emprendemento rural e capacitación profesional.
Santo Ramos destacou que o DesenvolvendORural é un programa integral de promoción económica e social da provincia, co que o Goberno da Deputación busca xerar emprego de calidade, aumentar os servizos públicos aos veciños e captar talento, co fin de buscar novas oportunidades no rural e fixar poboación.
Neste senso, explicou que facémolo porque Lugo é unha provincia eminentemente rural e na que temos que buscar novos camiños de futuro que nos permitan garantir vivir no rural e do rural, aumentando os servizos que ofrecemos aos nosos veciños e igualando, polo tanto, as condicións de vida entre as zonas urbanas e rurais.
Dende este Goberno traballamos por ser unha Deputación rural, sumamente social e coas persoas, pois sabemos que cremos que dende as administración públicas que somos debemos dar resposta ás necesidades do nosos veciños, así como as do propio territorio, dun xeito eficaz e áxil, destacou.
4 liñas básicas de actuación
O voceiro do Goberno explicou que na sesión de hoxe aprobouseesta programación de promoción social e económica na provincia e que, nas vindeiras semanas, se informará máis polo miúdo de cada unha das liñas que contempla, así como dos prazos e requisitos para que os veciños da provincia poidan concorrer a dita programación. Estas son:
1.- Promoción do 3º sector: A través desta liñao Goberno da Deputación busca promover e aumentar a prestación de servizos especialmente no rural e fixar poboación. Para elo, estableceranse colaboracións co tecido asociativo lucense, que é o denominado 3º sector, para impulsar a prestación dos servizos públicos que se ofrecen aos veciños.
É un ámbito que habitualmente non se aborda dende as administracións públicas, a pesares de que, na maioría dos casos, este 3º sector presta un servizo esencial para a cidadanía, especialmente no rural. Trátase dun eido moi importante pois na provincia de Lugo, especialmente nas zonas non urbanas, estímase que hai ao redor de 50.000 persoas en risco de exclusión social ou en situación de vulnerabilidade.
2.- Plan de 1ª oportunidade: A recuperación económica está a castigar aos mozos e mozas do país. De feito, a súa presenza no mercado laboral leva camiño de reducirse á metade nos últimos 10 anos. En España, a pesares de ter unha mocidade con formación superior maior á media europea, é un dos países con menor taxa de inserción laboral. Isto o que produciu foi a emigración de centos de mozos e mozas con talento fóra do pais, situando a Galicia na 3ª rexión española con maior emigración de mozos, só por detrás de Madrid e Cataluña.
Con este plan, o Goberno Provincial promove a captación do talento de lucenses con titulación universitaria ou con Formación Profesional para que teñan o seu primeiro contacto laboral na provincia, facendo prácticas na Deputación de Lugo.Isto permitirá, ademais de formar a estes mozos, aumentar e modernizar o catalogo de servizos que dende esta administración se aos veciños, especialmente no rural, e impulsar as súas carreiras profesionais en Lugo, fixando tamén poboación.
3.- Fomento do Emprendemento: O emprendemento quizais sexa unha das vías máis importantes para o crecemento económico na provincia. É por iso polo que a través desta liña, se ofrecerán premios ás mellores ideas empresariais desenvolvidas no rural de ata 20.000 euros. Deste xeito, foméntase a fixación da poboación coa creación de empresas no rural lucense.
4.- Capacitación Profesional: A formación para os veciños e a transformación de sectores moi castigados pola crise son outro dos puntos que este pioneiro plan do Goberno da Deputación abordará. Para iso formarase a veciños e veciñas lucenses, parados de longa duración, para capacitalos profesionalmente en sectores relacionados coa prestación de servizos así como co sector primario, e reconverter os seus perfís laborais.
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
