lunes, 20 de abril de 2026
Así o explicou o delegado territorial da Xunta en Lugo, José Manuel Balseiro, no transcurso dunha visita a adega Val da Lenda, en Sober, onde aproveitou para facer balance destes apoios, que contribúen ao fortalecemento dun sector, como é o do viño, estratéxico para a economía da comarca e da provincia.
O groso das achegas proceden da Consellería do Medio Rural, a través das liñas de apoio á comercialización e transformación de produtos agrarios e das achegas do anterior Instituto Galego da Calidade Alimentaria. Pero tamén recibiron outras axudas con cargo aos recursos do Grupo de Desenvolvemento Rural (GDR) ou do Instituto Galego de Promoción Económica (Igape), neste último caso, organismo pertencente á Consellería de Economía, Emprego e Industria.
Catorce adegas en catro concellos
Segundo explicou Balseiro, ata o momento as achegas distribúense entre quince adegas, que decidiron acollerse ás diversas liñas de apoio dispoñibles, todas elas emprazadas nos concellos de Sober, Chantada, Pantón e O Saviñao. Con todo, a maior parte das axudas descritas son de convocatoria anual e seguen o procedemento de concorrencia competitiva.
A estas subvencións directas hai que engadir outras iniciativas de apoio como as dirixidas a unir esforzos entre o mundo vitivinícola e a axenda turística, unha área na que Galicia está avanzando, con diversas actividades e eventos nos que a Ribeira Sacra é todo un referente. E tamén terían que engadirse os apoios ao Consello Regulador da Denominación de Orixe Ribeira Sacra que ampara o traballo de máis de 2400 viticultores e das preto de 90 industrias inscritas neste selo de calidade.
Adega Val da Lenda
A produción de viño na adega Val da Lenda remóntase varias xeracións, pero desde 1991, o que ata entón era unha pequena empresa familiar converteuse nun dos pioneiros da Denominación de Orixe, dentro da zona de Amandi.
Os viñedos desta adega ocupan as ladeiras inclinadas das terrazas do rio Sil onde o tamaño pequeno e de difícil acceso, implican o desenvolvemento dunha viticultura que está cualificada como heroica.
Esta adega beneficiouse recentemente dunha axuda do Grupo de Desenvolvemento Rural Ribeira Sacra-Courel para a ampliación e acondicionamento dunha nova sala de embotellado, grazas a rehabilitación dunha edificación anexa. Isto permite dispoñer de espazos propios para o etiquetado e taponado de botellas, distintos aos destinados á elaboración do viño. Ao longo dos últimos anos tamén recibiu distintos apoios da Consellería do Medio Rural para a adquisición de equipamentos e para a implantación dun programa de rastrexabilidade e outras melloras en adega.
O delegado territorial estivo acompañado polo alcalde de Sober, Luís Guitan; a Secretaria do Parlamento de Galicia anterior alcaldesa-, Raquel Arias e polo presidente do GDR Ribeira Sacra Courel, José Manuel Arias, ademais de representantes do Consello Regulador da Denominación de Orixe, entre outros.
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
