viernes, 1 de mayo de 2026
Esta clasificación elabórase a partir dos resultados das analíticas das catro tempadas de baño anteriores e publícase a finais de cada ano. Isto explicaría, por exemplo, por qué a analítica dunha zona nun momento puntual pode dar valores de contaminación, aínda que a súa clasificación sanitaria sexa boa. A inclusión dunha nova zona de baño no censo oficial ten que ser pedida polo concello na Xefatura territorial de Sanidade correspondente, tras cubrir unha solicitude que se pode obter na páxina web do Sergas.
Cando unha zona de baño obtén durante cinco tempadas unha clasificación insuficiente, é eliminada do censo, solicítaselle ao concello que coloque un cartel de prohibición permanente do baño e Saúde Pública deixa de facer analíticas. Para poder volver ao censo, o concello ten que presentar unha nova solicitude xunto cun informe que xustifique que os problemas que causaban a contaminación están arranxados. A inclusión de novo desa zona de baño no censo oficial comunícase pola Consellería de Sanidade ao Ministerio de Sanidade, Consumo e Benestar Social, para a súa remisión a Axencia Europea de Medio Ambiente, que é o organismo da Unión Europea que xestiona o censo.
Analíticas durante a tempada de baño
As praias recollidas no censo oficial de zonas de baño de Galicia están sometidas a controis periódicos durante a tempada de baño co obxectivo de coñecer a calidade das súas augas. Trátase dunha información pública, que se actualiza semanalmente e que está a disposición dos cidadáns na páxina web da Consellería de Sanidade
Entre as novidades do censo deste ano, hai cinco novas zonas incluídas tras varias tempadas en avaliación. Son a praia da Seiruga, no concello de Malpica de Bergantiños (A Coruña); a área recreativa da Pobra de San Xiao no concello de Láncara (Lugo); e as praias de Calvelo no concello de Cerdedo-Cotobade, a Xunqueira no concello de Soutomaior e a Covacha no concello de Vilagarcía de Arousa; as tres na provincia de Pontevedra.
A Consellería de Sanidade realiza as análises dos parámetros microbiolóxicos (indicadores de contaminación fecal) durante toda a tempada de baño, que vai dende o un de xuño ata o 30 de setembro de cada ano. Segundo a lexislación vixente, é obrigatorio que se realicen oito analíticas en cada zona de baño e outra previa. En Galicia realízanse nove análises en cada zona de baño cunha frecuencia aproximada quincenal, ademais da análise previa, que se fai sempre en maio. Cando o resultado destas analítica mostra unha cifra superior aos 1.000 NMP/100 ml, considérase que hai contaminación microbiolóxica, e se desaconsella o baño nesa zona. Neste caso, a Xunta remite ao concello unha comunicación e a administración local ten a obriga de informar á poboación, colocando o cartel de recomendación ou prohibición do baño por contaminación microbiolóxica temporal.
A Dirección Xeral de Saúde Pública destaca a importancia do Programa de Vixilancia Sanitaria das Zonas de Baño de Galicia pois é o responsable de que melloren notablemente as condiciones hixiénico-sanitarias de las zonas de baño de nosa comunidade autónoma.
CiberLabFP configúrase como un espazo de aprendizaxe, experimentación e desenvolvemento de competencias en contornos reais que integran tecnoloxías da información (IT) e de operación (OT) para así adaptar a Formación Profesional aos novos escenarios de transformación dixital. Entre as súas funcionalidades destacan a formación especializada do profesorado, a simulación de ciberataques e defensa en contornos virtuais, a análise forense industrial ou a validación de sistemas. Ademais, contará cunha estación móbil que permitirá levar a tecnoloxía a centros educativos e realizar demostracións en empresas e feiras.
Celebrouse hoxe a sesión constitutiva do Foro do Litoral de Galicia, que será o máximo órgano colexiado de consulta e participación do conxunto da sociedade co fin de optimizar a xestión e ordenación da costa galega. Nel están representadas a Administración autonómica e as locais así como os sectores social, científico, económico e medioambiental e as entidades implicadas na protección do patrimonio natural co fin último de garantir unha gobernanza que permita unha participación suficiente de todos os sectores da sociedade interesados no litoral. A constitución do foro facilitará a partir de agora facer un seguimento das normas, políticas e instrumentos do litoral.
