sábado, 7 de noviembre de 2026
En concreto, trátase do programa de impulso ás enerxías renovables en empresas, institucións sen ánimo de lucro e administracións locais; e da convocatoria para impulsar o aforro en industria, servizos e sector agrícola primario.
Estes dous programas contan cunha axuda pública de 7,75 millóns de euros, que permitirá mobilizar arredor de 30 millóns de euros e contribuirá á creación ou mantemento de máis de 250 postos de traballo. Ademais, estas iniciativas van ter un importante impacto ambiental, permitindo deixar de emitir á atmosfera 25.700 toneladas de CO2 ao ano, o equivalente á acción de 1.285.000 árbores.
Estas iniciativas enmárcanse nas novas Directrices Enerxéticas de Galicia 2018-2020, a través das cales se busca mellorar a calidade de vida dos galegos mediante o abaratamento dos custos e o aumento da calidade da subministración e a competitividade do tecido empresarial, apostando pola eficiencia e a potenciación das enerxías renovables de carácter autóctono. A través desta folla de ruta, búscase mobilizar máis de 3000 millóns de euros no sector enerxético ata 2020 e impulsar a creación de 12.000 empregos.
Estratexia de impulso á biomasa
Cos 951 apoios concedidos ás familias galegas para desenvolver proxectos de biomasa, segue adiante o compromiso do Goberno co impulso desta enerxía autóctona reflectido na Estratexia de impulso á biomasa.
As axudas que se veñen de conceder supoñen un investimento da Xunta de 2,37M e unha mobilización de 5,54. As familias poderán beneficiarse dun aforro anual de 1,86 millóns de litros de gasóleo e de 750.000 euros anuais na subministración enerxética. Cunha potencia de 18,63 MW estas instalacións permitirán, ademais, a redución de emisións asociadas de CO2 de 5.600 toneladas, o equivalente á acción de 280.000 árbores.
Co impulso da utilización da biomasa, a Xunta está a apoiar o desenvolvemento das áreas rurais e do sector primario, favorecendo a economía familiar e das pemes, xerando emprego cualificado e mellorando a calidade de vida da cidadanía.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
