viernes, 25 de septiembre de 2026
A Xunta amosou a súa satisfacción coa partida de 8 millóns de euros, destinadas a financiar o acordo que xa se asinara durante o Goberno anterior. Valorouse tamén que se tiveran en conta os criterios do envellecemento -moitas mulleres de avanzada idade sofren violencia de xénero- e da dispersión poboacional á hora de acometer o reparto, tal e como tiña demandado Galicia.
Ademais, durante o encontro, o Goberno galego solicitou ao Estado que concretara os proxectos que se poderán financiar con cargo a esta partida e pediu tamén que se concedese unha prórroga para a súa execución, en tanto sería moi complexo executar todo o orzamento só na segunda metade do ano.
A Xunta aposta tamén por afondar na colaboración entre administracións, especialmente agora que os concellos recibirán unha parte importante dos fondos deste Pacto de Estado, co fin de evitar duplicidades e prestar a mellor atención posible ás vítimas.
Cómpre destacar a importancia de que na reunión de hoxe estiveran tanto os representantes do Goberno central como das comunidades autónomas, abordando a cuestión da violencia de xénero xa que como asunto de Estado afecta á cidadanía na súa totalidade. Poñer fin á violencia exercida, tanto contra mulleres como contra homes, debe ser un obxectivo prioritario para todas as Administracións que conforman a nosa sociedade.
O calendario de Programación Kármica arranca este 25 de setembro con Taïn na Sala Guión de Pontedeume. A seguinte cita será o 16 de outubro, con Camellos e Cora Yako en La Conservera de Viveiro, mentres que o 24 de outubro actuarán Javier Lago e Santi Araújo na Pousada da Galiza Imaxinaria de Boiro. O ciclo chegará precisamente á sala que acolle hoxe a súa presentación, A Cofradía de Vilanova de Arousa, o 27 de novembro, coas actuacións de Montedapena e Nuntia. O programa de 2026 pecharase o 26 de decembro na Pousada da Galiza Imaxinaria con Portosanto e Hermanos Visi.
O Instituto Nacional de Estatística (INE) publicou este martes os datos da enquisa de ocupación hoteleira na comunidade galega, que revelan que os hoteis e pensións galegas ingresaron nos oito primeiros meses do ano 334,7 millóns de euros, que revelan un incremento do 6,6% con respecto ao mesmo período do pasado ano. A rendibilidade hoteleira medra nos oito primeiros meses do ano o 7,5%. Só no mes de agosto, o sector tivo uns ingresos de 92,4 millóns de euros que se traducen nunha suba do 8,8% con respecto ao mesmo mes do ano pasado. Por primeira vez supérase a barreira dos 90 millóns de euros de ingresos no mes de agosto rexistrando un máximo histórico.
