sábado, 2 de mayo de 2026
Como principal novidade cómpre subliñar que, no suposto de que haxa máis demanda de prazas que oferta, terán prioridade as solicitudes de mulleres vítimas de violencia de xénero.
Ao igual que nas convocatorias anteriores, as casas niño atenderán a un máximo de cinco nenos de xeito simultáneo e coas máximas garantías de calidade, ofrecendo atención diúrna de luns a venres, nun máximo de oito horas diarias para cada neno e cun horario pactado co profesional.
En canto ás axudas, subvencionarase a reforma e adaptación da vivenda ou seu equipamento, entre outros aspectos.
As axudas para gastos de investimento consistirán nunha subvención de ata o 100% dos gastos elixibles, cun límite máximo global por casa niño de 15.000 euros, mentres que a achega pola prestación da atención personalizada consistirá nunha prima de 19.600 euros/ano, destinada a apoiar esta iniciativa emprendedora no inicio da súa andaina.
O presidente do Executivo autonómico concluíu subliñando que o obxectivo do Goberno galego é que no 2020 todos os concellos galegos teñan un recurso de conciliación para nenos de 0 a 3 anos.
CiberLabFP configúrase como un espazo de aprendizaxe, experimentación e desenvolvemento de competencias en contornos reais que integran tecnoloxías da información (IT) e de operación (OT) para así adaptar a Formación Profesional aos novos escenarios de transformación dixital. Entre as súas funcionalidades destacan a formación especializada do profesorado, a simulación de ciberataques e defensa en contornos virtuais, a análise forense industrial ou a validación de sistemas. Ademais, contará cunha estación móbil que permitirá levar a tecnoloxía a centros educativos e realizar demostracións en empresas e feiras.
Celebrouse hoxe a sesión constitutiva do Foro do Litoral de Galicia, que será o máximo órgano colexiado de consulta e participación do conxunto da sociedade co fin de optimizar a xestión e ordenación da costa galega. Nel están representadas a Administración autonómica e as locais así como os sectores social, científico, económico e medioambiental e as entidades implicadas na protección do patrimonio natural co fin último de garantir unha gobernanza que permita unha participación suficiente de todos os sectores da sociedade interesados no litoral. A constitución do foro facilitará a partir de agora facer un seguimento das normas, políticas e instrumentos do litoral.
