jueves, 25 de abril de 2024
Nota de prensa del Gabinete de Comunicación del PPdeG:
O portavoz de Sanidade do Grupo Popular, Aurelio Núñez Centeno, explicou no Pleno que a diminución do gasto da Xunta no programa de atención primaria entre os anos 2009 e 2018 débese fundamentalmente á redución do gasto en receitas e á eliminación do fondo de continxencia. Así mesmo, considerou que subir os impostos da clase media para mellorar a sanidade non é a solución.
Aurelio Núñez concretou que a diferenza do gasto en atención primaria entre os anos 2009 e 2018 é de 223 millóns de euros, dos que 155 millóns corresponden ao descenso no gasto en receitas pola utilización de xenéricos e as diferentes medidas de racionalización da prestación farmacéutica adoptadas nos últimos anos, e outros 54 millóns á non consignación do fondo de continxencia.
Na actualidade, Galicia conta para a atención primaria con 469 centros de saúde e 91 puntos de atención continuada, ademais da Fundación Pública Urxencias Sanitarias 061. Arredor de 38.000 profesionais traballan en todos os centros sanitarios do SERGAS, o que representa un incremento de 1.544 traballadores respecto a 2008, dixo Aurelio Núñez.
Ademais, puntualizou que neste incremento inclúense un 7 por cento máis de médicos de familia e un 6 por cento máis de persoal de enfermería. Entre 2009 e 2017 téñense convocado 6.133 prazas nas distintas ofertas de emprego, e para este ano tense publicado unha nova oferta de emprego público correspondente a diversas categorías de persoal estatutario do SERGAS para un total de 1.616 prazas, engadiu.
O portavoz popular referiuse, por outra banda, ás melloras incorporadas na atención primaria, como a implantación da historia clínica electrónica, a receita electrónica, o programa IANUS (que permite ao médico de familia a consulta de todo o historial do doente e as súas probas diagnósticas) ou a implantación da consulta telefónica.
Núñez Centeno manifestou que a actividade diaria do SERGAS abrangue 800 intervencións cirúrxicas, 12.300 probas diagnósticas, 20.500 consultas hospitalarias, 5.200 estancias hospitalarias, 7.000 urxencias, 1.200 sesións en hospitais de día e 300 atencións de hospitalización a domicilio. Así mesmo, en atención primaria realízanse 103.500 consultas diarias, das que 10.100 son telefónicas, e aténdense anualmente máis de 1,5 millóns de urxencias, cunha resolución no centro de saúde ou PAC do 91.28 por cento.
Estas cifras amosan a realidade da sanidade pública galega e casan pouco coa imaxe da mesma que queren transmitir os grupos da oposición, algúns sindicatos e outros colectivos sanitarios, lamentou.
Aurelio Núñez criticou a proposición de lei defendida polo BNG para a mellora da atención primaria sanitaria porque propoñen incrementar a recadación subindo os impostos á clase media. En concreto, apuntou que modifican a escala do imposto sobre a renda, prevendo recadacións totalmente irreais; eliminan as bonificacións no imposto de sucesións e doazóns aprobadas polo PPdeG en Galicia; e propoñen un imposto ás grandes superficies que iamos pagalo, dunha ou doutra forma, todas as persoas que facemos compras nestes establecementos comerciais.
Nota de prensa del Gabinete de Comunicación del BNG:
A portavoz parlamentaria de Sanidade, Montse Prado, defendeu a proposición de lei do BNG para dotar a atención primaria de 223 millóns de euros adicionais, para sufragar un plan de mellora urxente da que é a gran damnificada das políticas de recortes, de desmantelamento e de privatización da sanidade pública do PP.
A atención primaria está afogada, colapsada, non é resolutiva e iso deriva en fragmentación do sistema, salientou Prado, tras lembrar que pese a ser a porta de entrada ao sistema, a atención primaria soportou un recorte anual de 234 millóns de euros desde 2009 e un recorte acumulado de 2.000 millóns de euros desde a chegada de Feixóo á Presidencia da Xunta.
Para dotar este plan urxente de implantación inmediata, o BNG propón unha dobre vía de financiamento, por un lado a fiscal e, por outro, a da modificación de partidas orzamentarias.
Pola vía impositiva, a formación nacionalista aposta por incrementar o IRPF ás rendas máis altas, rebaixar a exención do pago do imposto de patrimonio desde os 700.000 aos 300.000 euros e impoñer un imposto de nova creación ás grandes superficies. Cambios que permitirían recadar 135 millóns de euros. Ao que se sumarían 92 millóns de euros a través de diferentes modificacións dos orzamentos deste exercicio.
Non é a solución a todos os problemas da atención primaria, acosada por un desmantelamento estrutural, pero sería un punto de inflexión, recalcou Prado na defensa desta proposición de lei. Entre os problemas que o BNG quere atallar con esta inxección orzamentaria: a masificación das consultas con profesionais con cupos moi por riba das ratios marcadas, a falta de substitucións por xubilación, vacacións, licenzas ou permisos, listas de espera dunha semana, axendas pechadas ou consultas que quedan desatendidas cando os profesionais teñen que atender urxencias fora do centro.
Hai un sentimento xeral de que a atención primaria está avanzando cara un deterioro clamoroso, salientou Prado, con centros de atención primaria nos que @s pediatras son unha especie en vías de extinción, desmantelamento que ten unha repercusión directa no colapso das urxencias hospitalarias.
Por iso, o BNG considera imprescindíbel un cambio de rumbo na política sanitaria do PP e, para o caso concreto da atención primaria, demanda dotación de persoal para que médicos e enfermeiras teñan un máximo de 1.250 tarxetas sanitarias, poñer en marcha unha política de substitucións, mellorar os equipamentos nos centros de saúde, permitir acceso ás probas diagnósticas e habilitar un proceso de formación que se adapte ás necesidades reais dos e das profesionais do SERGAS, concluíu Prado, medidas que frea o veto das filas populares a esta proposición de lei do Bloque. Na rolda de intervencións o PP anunciou o seu voto en contra de dotar 223 millóns de euros dos orzamentos da Xunta á mellora da atención primaria.
Nota de prensa del Gabinete de Comunicación del PSdeG:
O portavoz de Sanidade do Grupo Socialista, Julio Torrado, acusou ao goberno galego de trucar os orzamentos para maquillar o pago de servizos sanitarios ás empresas concertadas. Así o dixo na comparecencia do conselleiro de Sanidade, no Pleno, para dar conta da privatización de servizos médicos na Eoxi de A Coruña por valor de 97,5 millóns de euros.
O responsable socialista lembrou o último informe do Consello de Contas, que deu conta da opacidade e privatización na sanidade pública galega, e acusou á Xunta de orzamentar deliberadamente á baixa para despois disfrazar o pago á sanidade concertada a través de modificacións de crédito. Estas alteracións, explicou, supuxeron máis de 200 millóns de euros no último trimestre do ano pasado.
Naquel momento, apuntou, retiráronlle importantes partidas á prevención de incendios, innovación educativa, comedores escolares, dependencia, estruturas agrarias e ata o 5 por cento do orzamento da Consellería do Mar, máis de 8 millóns de euros, foron reorientados para tapar buratos na Sanidade.
Torrado censurou a xestión absolutamente ineficiente do goberno galego en materia sanitaria, e cuestionou que o propio conselleiro de Sanidade sinalara que o sistema privado engade valor ao público.
Puntualizou neste sentido que o que lle engade valor ao sistema público son precisamente os orzamentos do goberno galego, e lembrou que o propio Consello de Contas sinalou que a Xunta recorre demasiado ás privatizacións na sanidade, que non ofrecen garantía asistencial e carecen de control.
O parlamentario socialista sinalou que un claro exemplo destas prácticas é precisamente a Eoxi de A Coruña na que, dixo, algo raro sucede logo da privatización de servizos médicos por importe de 97,5 millóns de euros.
Lembrou que nos mesmos hospitais de A Coruña ten gastado o goberno galego 400.000 euros para cambiar os carteis incluíndo a palabra público, e puntualizou que defendemos máis que o sistema sexa público a que se diga, porque dicilo está ben pero facelo está moito mellor.
Nota de prensa del Gabinete de Comunicación de En Marea:
Eva Solla pediu explicacións no Parlamento sobre a privatización encuberta que a Xunta de Galicia ven de aprobar para a área sanitaria da Coruña. Unha operación para catro anos orzamentada en 97 millóns de euros; que implicará a mobilidade forzosa de profesionais do sistema público de saúde a centros privados. A deputada de En Marea tamén destacou a problemática carencia de profesionais de enfermería especializados que se extende ao conxunto da comunidade autónoma; e que, en especialidades como a obstetricia, se sitúa moi por debaixo das ratios recomendados pola Organización Mundial da Saúde.
Temos un problema real e moi grave. Con esas palabras referíase Eva Solla ás deficientes cifras de profesionais de enfermería especializados. Unha carencia que merma a calidade asistencial que reciben os usuarios do sistema público de saúde. E que, tal e como apuntou a deputada, resulta alarmante en áreas como a pediatría, a saúde mental ou a xeriátrica (de especial relevancia, debido ao avellentamento da poboación galega).
Solla lembrou que existen unicamente 8 matronas para toda a provincia de Ourense. E que, en Santiago de Compostela ou na Coruña, tres profesionais deben atender un total de 2.500 partos anuais. Isto non é normal; e é incompatible co plan de sáude da muller, indicou a deputada durante a súa comparecencia.
A representante de En Marea tildou de escándalo que a Consellería pretenda esixir aos profesionais sanitarios da Coruña que realicen procesos quirúrxicos en centros privados. Unha medida que pasa por enriba das negociacións colectivas e das mesas de contratación. E que non é normal nin axeitada. Gustaríame que aclarase se estas intervencións as van facer durante o seu horario laboral, ou os van retirar dos seus postos de traballo para levalos á privada, reclamoulle Solla ao conselleiro.
A vicepresidenta do Parlamento galego tamén chamou a atención sobre as intolerables deficiencias das infraestruturas sanitarias, e avogou por incrementar o orzamento destinado á atención primaria; así como a recuperación das súas xerencias. A súa das xerencias de atención primaria someteu aos centros de saúde ás xerencias hospitalarias, coa consecuente diminuación de súa capacidade resolutiva e perda de control sobre cuestións de relevancia, como os tempos de agarda, afirmou Solla. Quen tamén reclamou unha reforma do sistema de fiscalidade, necesaria para poder incrementar a recadación e rematar coa falla de financiamento do sistema sanitario público; totalmente deteriorado polos continuos ataques aos que o está a someter o goberno galego.
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
