viernes, 25 de septiembre de 2026
Nota de prensa del Gabinete de Comunicación de la USC:
A publicación do censo provisional abriu o proceso para a elección de reitor ou reitora da USC, a quen a comunidade universitaria deberá elixir nas urnas o próximo 23 de abril, data da xornada de votación. Nesa mesma data elixiranse igualmente os/as representantes no Claustro Universitario da Universidade compostelá.
A publicación do censo definitivo producirase o 14 de marzo, mentres que o período para a presentación de candidaturas en ambos procesos electorais estenderase entre o 15 de marzo e o 2 de abril. Xa o 10 de abril está prevista a proclamación definitiva de candidaturas que dará paso ao desenvolvemento da campaña electoral, entre os días 11 e 19 de abril. Entre o 16 e 20 abril será posible exercer o voto anticipado.
Logo da xornada de reflexión do 20 de abril, a votación para a elección de reitor ou reitora e de representantes a Claustro Universitario celebrarase o luns 23 de abril entre as 10.00 e as 18.00 horas sen prexuízo do disposto para o voto anticipado. A Comisión Electoral determinará os locais de votación unha vez publicado o censo electoral definitivo.
No caso das eleccións de reitor ou reitora da USC, o calendario electoral contempla, se fose necesario, a celebración dunha segunda volta, cuxa votación se produciría o día 14 de maio. O proceso concluiría, neste último suposto, o 24 de maio coa proclamación definitiva do reitor ou reitora electos. De non celebrarse segunda volta, a proclamación definitiva producirase o día 7 de maio.
O calendario de Programación Kármica arranca este 25 de setembro con Taïn na Sala Guión de Pontedeume. A seguinte cita será o 16 de outubro, con Camellos e Cora Yako en La Conservera de Viveiro, mentres que o 24 de outubro actuarán Javier Lago e Santi Araújo na Pousada da Galiza Imaxinaria de Boiro. O ciclo chegará precisamente á sala que acolle hoxe a súa presentación, A Cofradía de Vilanova de Arousa, o 27 de novembro, coas actuacións de Montedapena e Nuntia. O programa de 2026 pecharase o 26 de decembro na Pousada da Galiza Imaxinaria con Portosanto e Hermanos Visi.
O Instituto Nacional de Estatística (INE) publicou este martes os datos da enquisa de ocupación hoteleira na comunidade galega, que revelan que os hoteis e pensións galegas ingresaron nos oito primeiros meses do ano 334,7 millóns de euros, que revelan un incremento do 6,6% con respecto ao mesmo período do pasado ano. A rendibilidade hoteleira medra nos oito primeiros meses do ano o 7,5%. Só no mes de agosto, o sector tivo uns ingresos de 92,4 millóns de euros que se traducen nunha suba do 8,8% con respecto ao mesmo mes do ano pasado. Por primeira vez supérase a barreira dos 90 millóns de euros de ingresos no mes de agosto rexistrando un máximo histórico.
