miércoles, 6 de mayo de 2026
Nota de prensa del Gabinete de Comunicación del PSdeG:
Así o dixo logo dun encontro co portavoz socialista, Xoaquín Fernández Leiceaga, e os representantes do PSdeG no organismo que foi constituído hoxe na sede do Consello Económico e Social. Reclamou políticas públicas para que as unidades familiares poidan tomar a decisión de ter fillos xa que, dixo, cos niveis salariais actuais non podemos pedirlle heroicidades á sociedade. O responsable socialista debullou as liñas mestras das aportacións socialistas neste órgano dende unha perspectiva positiva e tendo en conta que o envellecemento é un éxito da sociedade, pero que o problema é a baixa natalidade.
Criticou o problema da dereita, que historicamente é moi pronatalista, pero ao mesmo tempo favorable a unha dinámica económica para sociedades duais low cost segmentadas por xénero e idade que dificultan a maternidade. Alertou así da precarización labroal e dun enfoque asistencialista das políticas sociais que non van ao fondo do problema.
Así o dixo logo da constitución do Observatorio e dos cinco grupos de traballo, para os que os socialistas galegos designaron á doutora en Socioloxía Obdulia Taboadela Emigración/Inmigración-, o alcalde de O Carballiño Francisco Fumega Envellecemento-, a deputada Noela Blanco Apoio ás familias-, o ex conselleiro e ex deputado Francisco Sineiro Medio Rural-, e a representante de Xuventudes Socialistas Paula Castiñeiras Xuventude-.
A doutora en Socioloxía Obdulia Taboadela advertiu que hai folga de úteros polas dificultades de ter fillos, para reclamar a continuación políticas que faciliten a maternidade e a paternidade seguindo a liña marcada polos países europeos que nos levan vantaxe.
Reivindicou vontade política e valentía para afrontar os retos, preguntarlle á xente como quere vivir e por que non teñen fillos e poñer en práctica medidas como, apuntou, facilitar a incorporación ao mercado laboral das mulleres ou subir os salarios. Reclamou unha mellor perspectiva laboral para as mulleres e que permita frear a fuxida de mozos por falta de traballo.
Apuntou a políticas de corresponsabilidade dirixidas aos varóns pero tamén ás ao empresariado e ás institucións públicas, como baixas de maternidade e paternidade máis longas.
Taboadela reclamou políticas fiscais de impulso da natalidade con descontos, oportunidades, axudas para garderías ou coidados na casa e, en definitiva, o apoio á natalidade a partir de constituír familias máis iguais, que está comprobado que terminan sendo máis proclives a ter fillos.
Galicia pechou abril con 1.103.820 afiliacións á Seguridade Social, 16.386 cotizantes máis ca en abril do ano pasado, e con 112.293 persoas no paro, 3.252 menos que no mesmo mes de 2025. No caso das afiliacións, na comparativa anual aumentan nun +1,51 % e tamén medran na comparativa mensual (+7.944 afiliacións máis, +0,72 %). De feito, en termos intermensuais, trátase do segundo maior aumento, tanto en termos absolutos como relativos, dun mes de abril desde que hai rexistros, despois do acadado o ano pasado. En relación co desemprego, este cae tanto na comparativa anual, cun descenso do -2,81 % como na mensual, neste caso cun recorte do -2,07 %, o que implica 2.377 persoas desempregadas menos con respecto a marzo.
O evento celebrarase o 8 de xuño e concentrará a máis de 30 chefs con Estrella Michelin, nunha cita que, como definiu o organizador, Rogelio Rial, 'non só pon en valor o talento culinario, senón tamén o noso territorio, o Camiño de Santiago e a capacidade dun lugar como Negreira para acoller un evento deste nivel'. Esta edición homenaxearase ao célebre cociñeiro Juan Mari Arzak e colaborarase coa asociación Art for Dent, reforzando o compromiso social da iniciativa.O director de Turismo de Galicia puxo en valor a conexión entre gastronomía e Camiño de Santiago que impulsa a iniciativa.
