miércoles, 6 de mayo de 2026
Nota de prensa del Gabinete de Comunicación del PSdeG:
Lembrou o peche, a finais do curso pasado, de catro centros de Outes, As Pontes, Ribadavia e Porriño, feito público despois de que remataran as clases co argumento, ironizou, dunha estrema sensibilidade e para non afectar ao rendemento escolar no final de curso. Advertiu que resulta esperable que se se repiten aqueles feitos, nos atopemos con importantes modificacións que serán anunciadas nos últimos días do curso.
O responsable socialista criticou a xestión por parte do goberno galego e do PP daquela decisión, cuestionando as protestas e derivando a unha discusión semántica para agochar o peche detrás dunha desagregación, desdobramento, transformación, integración ou cambio de ensinanzas.
Lamentou que esqueceran o pifostio que organizaron os seus alcaldes co traslado transitorio de ensinanzas secundarias aos colexios que rematou co reinicio das clases en setembro con total normalidade. Criticou tamén que o PP lembre o peche de 43 centros no goberno socialista do rural cando tratábase de escolas unitarias sen alumnos e os compare co peche dun colexio enteiro.
Luis Álvarez propuxo que a Xunta lle explique ao Parlamento os criterios para as eventuais modificacións na rede de centros, que adiante a publicación das ordes coas modificacións precisas e que as consensúen coas comunidades educativas afectadas.
Criticou que non queiran facer da educación un asunto de país e segan dicindo que esta será a Lexislatura do Rural mentres rexeitan propostas socialistas que reivindican unha discriminación positiva nos centros de contornos rurais de xeito que se reverta a tendencia á perda de oferta educativa.
Galicia pechou abril con 1.103.820 afiliacións á Seguridade Social, 16.386 cotizantes máis ca en abril do ano pasado, e con 112.293 persoas no paro, 3.252 menos que no mesmo mes de 2025. No caso das afiliacións, na comparativa anual aumentan nun +1,51 % e tamén medran na comparativa mensual (+7.944 afiliacións máis, +0,72 %). De feito, en termos intermensuais, trátase do segundo maior aumento, tanto en termos absolutos como relativos, dun mes de abril desde que hai rexistros, despois do acadado o ano pasado. En relación co desemprego, este cae tanto na comparativa anual, cun descenso do -2,81 % como na mensual, neste caso cun recorte do -2,07 %, o que implica 2.377 persoas desempregadas menos con respecto a marzo.
O evento celebrarase o 8 de xuño e concentrará a máis de 30 chefs con Estrella Michelin, nunha cita que, como definiu o organizador, Rogelio Rial, 'non só pon en valor o talento culinario, senón tamén o noso territorio, o Camiño de Santiago e a capacidade dun lugar como Negreira para acoller un evento deste nivel'. Esta edición homenaxearase ao célebre cociñeiro Juan Mari Arzak e colaborarase coa asociación Art for Dent, reforzando o compromiso social da iniciativa.O director de Turismo de Galicia puxo en valor a conexión entre gastronomía e Camiño de Santiago que impulsa a iniciativa.
