viernes, 3 de mayo de 2024
Nota de prensa del Gabinete de Comunicación del Concello de Santiago de Compostela:
O alcalde de Santiago, Martiño Noriega, exerceu de anfitrión na presentación da Feira do Cocido de Lalín, que se celebra este vindeiro domingo 4 de febreiro na localidade pontevedresa. Na presentación estivo tamén o rexedor lalinés, Rafael Cuiña.
Martiño Noriega amosou a satisfacción da cidade por poder acoller esta presentación e "exercer así de capital do país para dar a coñecer unha festa tan emblemática coma esta". Pola súa banda, Rafael Cuiña sinalou que "se trata dunha edición moi especial, xa que se cumplen 50 anos e iso merece que se presente nun dos lugares máis fermosos do planeta, como é a praza do Obradoiro".
O Concello de Lalín promociona este evento gastronómico co chamado "Cocido en ruta", un autobús co que percorre diferentes vilas e cidades para dar a coñecer esta feira de interese turístico. O bus do cocido fixo parada hoxe no Obradoiro, onde membros da Corporación, xornalistas e veciños e veciñas puideron degustar os manxares que se atoparán esta fin de semana en Lalín.
A programación da Feira inclúe o pregón a cargo do presidente da Real Academia Galega, Víctor Fernández Freixanes, espazos de exposición e venda de produtos, así como un concerto a cargo do grupo Treixadura.
A Cidade da Cultura súmase en maio á celebración do Día das Letras Galegas, dedicado este ano á música, profesora e poeta Luísa Villalta, cunha variada programación divulgativa destinada a dar a coñecer a súa figura e a súa obra a toda a cidadanía. Ao longo do mes das Letras, o Gaiás organiza propostas como unha lectura participativa de poemas, un encontro con rapazada de centros de ensino, unha exposición bibliográfica ou dúas propostas teatrais para público adulto e público familiar. A primeira destas actividades será o mércores 8 de maio, e consistirá nun encontro entre alumnado de dous dos institutos nos que Luísa Villalta se desempeñou como profesora e activista cultural.
De pais galegos, nace en Toledo, aos sete anos volve a Galicia e instálase coa familia en Ferrol. Na súa adolescencia séntese atraído pola pintura e recibe clases do pintor ferrolán Felipe Bello Piñeiro, cursa estudos de maxisterio e exerce como mestre nacional en varias escolas. Máis tarde, en 1947 trasládase a Madrid para estudar belas artes na Escola de San Fernando, e licénciase en 1951. É nesta época cando abandona a pintura realista e entra en contacto coa corrente expresionista europea coa que sente afinidade non só no aspecto formal senón tamén polos seus contidos sociais. É tamén a época en que empeza a escribir as súas primeiras novelas e a interesarse pola filosofía, o ensaio e a literatura.
