viernes, 25 de septiembre de 2026
Nota de prensa del Gabinete de Comunicación del PSdeG:
O portavoz de Sanidade do Grupo Socialista, Julio Torrado, dixo que lamentablemente, se hai algo máis previsible que o pico da gripe é a incapacidade de Sanidade para xestionalo. Así o dixo logo de constatar o desastre da xestión de urxencias e de trasladarlle o respaldo dos socialistas galegos ás demandas de máis recursos e condicións laborais dos profesionais da sanidade pública.
Preguntoulle a Feijóo onde están os recursos comprometidos para desafogar a situación da sanidade pública, e tildou de desolador unha situación provocada por un goberno que non sabe xestionar por ser cicatero. Os socialistas galegos presentaron unha batería de iniciativas para reclamar o incremento dos recursos de persoal, así como os protocolos de actuación e os informes sobre o seu funcionamento ante a saturación de urxencias.
Ademais, criticou a resposta do goberno galego ás críticas transmitidas polos profesionais da sanidade xa que, dixo, van ser agora os cidadáns os culpables de coller a gripe. Comparouno coa reacción do goberno fronte ao colapso da AP-6 sinalando que daquela resulta que a culpa foi dos condutores, e agora a culpa da gripe a van ter os que enferman.
Torrado subliñou hoxe a incompetencia do conselleiro de Sanidade, que aprobou a finais de novembro unha transferencia de 42 millóns de euros para un desfase da partida de implantes e material sanitario no III trimestre. Lembra que a Consellería repite un desaxuste de 100 millóns nesa partida cada ano dende 2015 sen que a Xunta teña a ben prevelo nos Orzamentos.
O responsable socialista lembra que en 2015 tiñan previsto 200 millóns e gastaron máis de 300, en 2016 orzamentaron 220 e gastaron 315, e en 2017 fixaron a partida en 219 millóns e no terceiro trimestre do ano xa tiñan gastados 300 millóns, un desfase que obriga ao conselleiro a rapiñar fondos de calquera outra partida do goberno galego.
Considera gravísimo que para cubrir este burato e subsanar o seu déficit de xestión, retíranlle fondos ás partidas de prevención de incendios, innovación educativa 2 millóns de euros-, comedores escolares case 1,5 millóns- ou o 5 por cento dos orzamentos de toda a Consellería do Mar.
Lamentou que evidencia un problema de xestión ineficiente por parte duns malos xestores que presentan uns orzamentos opacos e inservibles, nun documento que finalmente non vale para nada.
O calendario de Programación Kármica arranca este 25 de setembro con Taïn na Sala Guión de Pontedeume. A seguinte cita será o 16 de outubro, con Camellos e Cora Yako en La Conservera de Viveiro, mentres que o 24 de outubro actuarán Javier Lago e Santi Araújo na Pousada da Galiza Imaxinaria de Boiro. O ciclo chegará precisamente á sala que acolle hoxe a súa presentación, A Cofradía de Vilanova de Arousa, o 27 de novembro, coas actuacións de Montedapena e Nuntia. O programa de 2026 pecharase o 26 de decembro na Pousada da Galiza Imaxinaria con Portosanto e Hermanos Visi.
O Instituto Nacional de Estatística (INE) publicou este martes os datos da enquisa de ocupación hoteleira na comunidade galega, que revelan que os hoteis e pensións galegas ingresaron nos oito primeiros meses do ano 334,7 millóns de euros, que revelan un incremento do 6,6% con respecto ao mesmo período do pasado ano. A rendibilidade hoteleira medra nos oito primeiros meses do ano o 7,5%. Só no mes de agosto, o sector tivo uns ingresos de 92,4 millóns de euros que se traducen nunha suba do 8,8% con respecto ao mesmo mes do ano pasado. Por primeira vez supérase a barreira dos 90 millóns de euros de ingresos no mes de agosto rexistrando un máximo histórico.
