viernes, 25 de septiembre de 2026
Nota de prensa del Gabinete de Comunicación del Concello de A Coruña:
A concelleira de Igualdade e Diversidade -responsable da área municipal de seguridade cidadá-, Rocío Fraga, deu conta do dispositivo de seguridade preparado polos servizos municipais para a Cabalgata de Reis que percorre a cidade o venres, 5 de xaneiro, desde a praza de Pablo Iglesias ata María Pita, e no que intervirán un total de 282 profesionais, 108 máis que no ano precedente. En concreto, conformarán o operativo 78 axentes da Policía Local, 6 do corpo de Bombeiros, 45 membros de Protección Civil e 46 da Cruz Vermella, 6 profesionais do 061 e 101 monitores e monitoras. A estas cifras engádense, como indicou a edil, as 15 persoas de produción, as 98 das compañías participantes no espectáculo e 3 pertencentes ao IMCE, ademais das 460 que participan como figurantes, que completan as cifras do espectáculo.
Este ano, tal e como recordou a responsable municipal, a Cabalgata partirá da praza de Pablo Iglesias, no barrio do Castrillón, ás 17.30 horas, para discorrer pola avenida da Concordia cara á rúa Oleoduto, rúa Javier López López, avenida de Monelos, Pérez Ardá, Fernández Latorre, Costa da Palloza, Linares Rivas, Cantóns e A Mariña, nun itinerario duns 4,3 quilómetros. Media hora antes do inicio, ás 17.00 horas, está prevista unha recepción coas súas maxestades cos nenos e nenas que queiran participar, e que terá lugar na Cúpula do Parque de Eirís. Ademais, as carrozas reais non entrarán nesta edición en María Pita, senón que quedarán en Porta Real, para que os reis poidan chegar a pé na praza, acompañados co séquito correspondente, "para facela máis próxima das persoas que queiran estar alí para recibilos". A comitiva, segundo detallou Fraga, estará composta por 13 carrozas, das que 7 son municipais e o resto, das empresas colaboradoras -Abanca, Cabreiroá, Begano, Repsol, El Corte Inglés, Gadis-, e tamén integrará unha carroza de Bombeiros e 4 trens, onde irán as nenas e nenos que participan como figurantes tras o concurso público aberto o pasado mes. A eles sumaranse menores usuarios e usuarias dos servizos sociais municipais e doutras entidades que traballan neste ámbito, "a quen se convidou a formar parte da cabalgata".
No percorrido haberá cinco puntos sanitarios fixos da Cruz Vermella, que coinciden cos espazos que se disporán para persoas con mobilidade reducida, "unha medida que se implanta este ano para que nenos e nenas con problemas de mobilidade teñan unhas zonas acoutadas, para que poidan visualizar perfectamente a cabalgata", e que se situarán na rúa Pérez Ardá (fronte á estación de autobuses), Costa da Palloza, no Cantón Grande (á altura do edificio de Afundación), na avenida da Mariña (á altura da Subdelegación do Goberno) e na propia praza de María Pita. Estes puntos de accesibilidade terán unhas dimensións de sete por catro metros que poderían ampliarse en caso necesario, e contarán tamén con persoal sanitario e monitorado, ademais de que dispoñerán de cadeiras, para aquelas persoas que precisen acompañantes. Ademais dos puntos fixos, haberá servizos sanitarios móbiles repartidos a ambas beiras do traxecto da cabalgata, compostos por dúas ambulancias de Cruz Vermella (unha medicalizada e outra asistencial), unha ambulancia de Protección Civil, dúas ambulancias medicalizadas do 061 e catro asistenciais, a disposicion do posto de mando. Tanto os puntos fixos como as ambulancias contarán este ano, e por vez primeira, con dispositivos desfibriladores, o que convirte a Cabalgata nun percorrido cardioprotexido. Ademais, o itinerario contará cunha serie de puntos de recollida localizados polos sevizos de seguridade, para facilitar o traslado no caso de que se faga necesaria a evacuación dalgunha persoa a centros sanitarios. Neste sentido, a edil salientou na presentación de hoxe que o operativo "xa cumpre coas disposicións da nova Lei de Espectáculos Públicos e Actividades Recreativas de Galicia -publicada hoxe mesmo no DOG-, tanto nas condicións técnicas e de seguridade como na elaboración do Plan de Autoprotección e en materia de accesibilidade".
Na comparecencia desta mañá, a concelleira tamén avanzou outras das novidades do dispositivo deste ano, como son as pulseiras identificativas (onde anotar teléfono e datos de contacto) que se repartirán para localizar en caso de extravío de menores e un punto de lactancia e coidados infantís que se habilitará na praza de María Pita, acondicionado con bomba de calor e que disporá de cambiadores, tronas e coxíns de lactancia, ademais de espazo onde atender e dar de comer aos e as menores ou descansar un momento. Trátase, segundo salientou, "dunha aposta que, como os puntos de accesibilidade, estreamos nesta cabalgata pero queremos estender a outros eventos similares".
Nota de prensa del Gabinete de Comunicación del Concello de Santiago de Compostela:
Os concelleiros de Acción Cultural, Branca Novoneyra, e de Convivencia, Xan Duro, deron conta dos detalles da Cabalgata de Reis, que percorre durante a tarde do venres 5 de xaneiro as rúas de Compostela. Nesta edición, o tema principal é "A maxia das lendas" e na comitiva participarán unhas 450 persoas.
Branca Novoneyra explicou que "a cabalgata deste ano apostará, como vén sendo habitual, pola participación dos veciños e veciñas", como paxes reais e acompañantes das carrozas no tren. Ademais, será unha cabalgata inclusiva, coa participación da Fundación Down baixo o lema "Son capaz". Este ano, en tres días cubríronse todas as prazas dispoñibles nos combos e nos trens turísticos (120). O 22 de xaneiro realizouse o sorteo dos paxes, no que nove nenas e nenos resultaron agraciados coa sorte de acompañar aos Reis Magos.
"A maxia das lendas" será o fío condutor desta edición, que contará con trasgos, fadas e mouras para contribuír a crear o ambiente máxico na nosa cidade con lendas da nosa cultura e mitoloxía. A encargada será a compañía Alehop, que acompañará a comitiva real ata a praza do Obradoiro.
Unha vez alí chegará a vez da compañía Pablo Méndez, que realizará un espectáculo con música, danzas e acrobacias aéreas.
Os Reis Magos chegarán ás 17:25 horas á estación do tren, onde serán recibidos polos paxes e o resto da comitiva real antes de iniciar, ás 18:00 horas, o seu percorrido polas principais rúas do Ensanche de Compostela: Santiago de Chile, Frei Rosendo Salvado, praza Roxa, República do Salvador, Hórreo, praza de Galicia, Porta Faxeira, rúa do Vilar, Xelmírez e praza do Obradoiro, a onde está prevista a chegada ás 19:30 horas. Alí serán recibidos polo alcalde e a Corporación ao son da música da Banda Municipal. A continuación escoitaremos o discurso real e veremos un espectáculo aéreo de gran beleza, para despois comezar a recepción real a todos os nenos e nenas que o desexen.
Este ano haberá sete carrozas realizando a cabalgata, dúas máis que o ano pasado: as tres dos Reis Magos, que estarán acompañados polos paxes e polos heraldos reais; a do Carteiro Real; a carroza da Serea Maruxaina; a carroza "Natureza máxica" e unha nova incorporación, a carroza que traerá os carbóns para aquelas persoas que terán o deber de mellorar o próximo ano.
Desfilarán 25 combos artísticos de diferentes temáticas, entre os cales atoparemos zancudos, espectáculos de pompas, danza, música, teatro ou circo. A participación aproximada deste ano será de 450 persoas,das que 200 son voluntarias.
Outra das peculiaridades desta cabalgata é elaboración de música orixinal para o inicio e remate da cabalgata feita polo artista Pulpiño Viascón. Repartiranse 2.000 quilogramos de caramelos sen glute e aptos para alérxicos ao longo do percorrido.
Neste 2018 celébrase o Ano Europeo do Patrimonio Cultural, unha cita que non pasa desapercibida para a nosa cidade. Por iso, "quixemos que esta celebración estivese presente na cabalgata", tal e como destacou a concelleira de Acción Cultural. Botarase man do patrimonio inmaterial para mostrar un espectáculo no que teñan cabida as lendas e os contos mitolóxicos, asentados no noso imaxinario grazas á oralidade das nosas devanceiras e devanceiros.
Pola súa banda, Xan Duro explicou as medidas de seguridade previstas para que a cabalgata se desenvolva con total normalidade. O concelleiro de Convivencia apostou por "unha cabalgata segura" e recomendou a todos os veciños e veciñas que "non usen sprays de neve e de serpentinas que impiden a visión dos vehículos e poñen en perigo a seguridade da comitiva, así como do público asistente"
Estas substancias quedan adheridas aos cristais e espellos dos vehículos, sen posibilidade de retiralos co uso dos limpaparabrisas e limitando drasticamente a visibilidade dos condutores. Ademais da evidente situación de perigo que isto supón, tamén se xeran condicións de traballo moi complicadas.
Por todo isto, incidiu Xan Duro, "o Concello pon en marcha unha campaña de sensibilización de cara ao evento, baixo o lema "Por unha cabalgata segura", que se promoveu nas redes sociais no período de Nadal e que virá acompañada do reparto de mensaxes informativas para concienciar a nenos/as e maiores sobre os efectos nocivos dos sprays. "Evitándoos coidamos o medio ambiente e xeramos unha mellor convivencia e seguridade, garantindo que participantes e público poidan gozar con totais garantías da maxia do evento", indicou.
Finalmente, Xan Duro explicou tamén os cortes de tráfico do día 5, fundamentais para garantir o bo funcionamento da Cabalgata. Así, a partir das 14:00 horas queda prohibido o estacionamento na explanada da Estación de Ferrocarril e, a partir das 15:00 horas, nas rúas Santiago de Chile (tramo comprendido entre A Rosa e Frei Rosendo Salvado), Frei Rosendo Salvado (tramo entre Santiago de Chile e praza Roxa), República do Salvador e Hórreo (tramo que vai dende República do Salvador ata a praza de Galicia).
O calendario de Programación Kármica arranca este 25 de setembro con Taïn na Sala Guión de Pontedeume. A seguinte cita será o 16 de outubro, con Camellos e Cora Yako en La Conservera de Viveiro, mentres que o 24 de outubro actuarán Javier Lago e Santi Araújo na Pousada da Galiza Imaxinaria de Boiro. O ciclo chegará precisamente á sala que acolle hoxe a súa presentación, A Cofradía de Vilanova de Arousa, o 27 de novembro, coas actuacións de Montedapena e Nuntia. O programa de 2026 pecharase o 26 de decembro na Pousada da Galiza Imaxinaria con Portosanto e Hermanos Visi.
O Instituto Nacional de Estatística (INE) publicou este martes os datos da enquisa de ocupación hoteleira na comunidade galega, que revelan que os hoteis e pensións galegas ingresaron nos oito primeiros meses do ano 334,7 millóns de euros, que revelan un incremento do 6,6% con respecto ao mesmo período do pasado ano. A rendibilidade hoteleira medra nos oito primeiros meses do ano o 7,5%. Só no mes de agosto, o sector tivo uns ingresos de 92,4 millóns de euros que se traducen nunha suba do 8,8% con respecto ao mesmo mes do ano pasado. Por primeira vez supérase a barreira dos 90 millóns de euros de ingresos no mes de agosto rexistrando un máximo histórico.
