domingo, 8 de noviembre de 2026
Nota de prensa del Gabinete de Comunicación del BNG:
No balance de fin de curso político a portavoz nacional do BNG, Ana Pontón cualificou o goberno de Feijóo de nini: Nin AVE, nin cercanías, nin novo modelo de financiamento, nin tarifa eléctrica, nin novo marco para Galiza como nación, nin unha saída real para a crise. O que si temos, dixo, é moita pobreza no armario, un importante medre da precariedade e desigualdades ademais de crecer a irrelevancia política de Feijóo.
O ano 2017 foi un ano para Pontón de oportunidades perdidas por parte dun presidente sen proxecto de país e que só persegue a anulación política de Galiza como nación. Temos, un presidente bonsái agochado detrás da súa maioría absoluta e incapaz de mirar aos ollos a todas esas persoas que padecen a crise económica. Feijóo segue perdendo grandes oportunidades e conduce a Galiza ao vagón de cola mentres noutros territorios están mellorando as condicións económicas, sociais e laborais dos seus cidadáns.
O balance do 2017 en termos políticos, dixo, tradúcese nun grade recortazo en inversión do Estado, retrasos no AVE mentres se acelera o corredor do Mediterráneo, Galiza excluída do corredor atlántico de mercadorías, veto á transferencia da AP-9 e veto tamén, a dispoñer dunha tarifa eléctrica galega.
Sobre o modelo de financiamento, Pontón reiterou que a súa parálise provoca que Galiza perda novamente oportunidades e asegurou que a cacarexada saída de crise da que o PP presume non impide o grande recortazo na sanidade e educación así como o incremento das privatizacións. Por outro lado afirmou que, resulta lamentable que o goberno galego non propuxera ningunha nova iniciativa en materia de igualdade e de loita contra a violencia de Xénero.
A nacionalista avanzou que o BNG fará unha oposición leal a Galiza porque outra realidade é posible. E necesario darlle voz as causas xustas e esperanza a toda a xente que quere unha alternativa ao Partido popular e nese sentido, o BNG sempre estará disposto a traballar para conseguilo, apostilou.
No balance político non faltaron criticas á política demográfica do PP e ao problema da emigración da mocidade. Para Pontón o Partido popular converteu a súa maioría nunha apisoadora no Parlamento galego e con ela unha democracia de baixa calidade.
Pontón denunciou a opacidade na información e control ao goberno e puxo como exemplo a comisión de estudo sobre os lumes que, segundo a súa opinión, vai no camiño de converterse nunha comisión bis e falida como a das Caixas de Aforros. O PP non ten ningunha intención de mudar a política nin modelo de xestión do noso monte, zanxou a portavoz do Bloque.
O BNG presentou no ano 2017, 1.807 iniciativas e seguiremos facendo presentando propostas de fondo e clave de país, concluíu a nacionalista.
A preguntas dos xornalistas sobre o encontro entre o presidente da Xunta e o secretario xeral del PSdG, Pontón manifestou sentirse moi feliz de ser incómoda para o Partido popular e recoñeceu que se Feijóo lle ofrecerá ser a líder da oposición non marcharía para casa contenta. Dende o BNG imos seguir poñendo o dedo en todo aquilo no que o goberno o está facendo infinitamente mal e cun presidente que o único carné que ten é o do PP.
A decisión sobre o liderado na oposición non lle corresponde a Feijóo aínda que ao PP encantaríalle unha Galiza co vello modelo bipartidista.A maiores, a portavoz do BNG sinalou que o dedazo dentro do PP funciona moi ben, pero en democracia non o decide o dedo de Feijóo.
Pontón declinou valorar a reunión entre ambos políticos e recalcou que Feijóo non ten un dedo máxico para decidir quen é ou non é líder da oposición e reiterou ser moi feliz sendo incómoda para Feijóo.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
