sábado, 9 de mayo de 2026
Nota de prensa del Gabinete de Comunicación del Concello de Santiago de Compostela:
A música será a gran protagonista na programación de Nadal de Compostela o mércores 27 de decembro. A Sociedade Filharmónica Rías Baixas tráenos o Concerto de Nadal, interpretado por un cuarteto de corda formado por Anca Smeu (1º violin), Plamen Velev (cello), Elina Viksne (2º violín) e Natalia Madison (viola), e coa soprano Indra Sesti Di Lucca. O Teatro Principal acolle este concerto, que comeza ás 20:30 horas. As entradas mércanse por 9 no despacho de billetes do Teatro Principal, aberto de martes a sábado (+ días de evento) de 18:00 a 21:00 horas. Os días que hai evento no Teatro, a venta anticipada remata ás 20:00 horas.Tamén se poden adquirir a través de entradas.abanca.com.
Outra das actividades destacadas da xornada é o paseo nocturno con saída en San Fiz de Solovio ás 20:00 horas. Estes paseos relacionan o ciclo do Nadal con Compostela e Galicia. A través deles, visítanse espazos relacionados cos ritos típicos, os cantos e a gastronomía desta festividade, tanto no pasado coma na súa transformación ao longo do tempo e no presente. A actividade é de balde e para participar requírese inscrición previa en: paseos.compostela@maos.gal. Haberá outra saída nocturna o día 3 de xaneiro.
O Apalpador continúa as súas visitas á rede de centros socioculturais de Compostela. O mércores pasará polo LSC Brañas de Andrés (18:00 h), polo LSC de Amio (19:30 h) e polo CSC de Conxo (20:00 h). Alí narrará contos e lendas de Nadal. Ademais, haberá pequenos agasallos e caramelos para todos e todas.
A programación desta nova edición volverá combinar espectáculos de sala, funcións de rúa, instalacións, música e propostas participativas arredor do mundo dos monicreques, con compañías galegas como Tanxarina Títeres, Títeres Alakrán, Babaluva, Mircromina, Trécola Producións, Troula Animación ou Bico de Toupa, xunto a formacións chegadas de diferentes puntos do Estado e de países como Francia, Italia, Portugal, Uruguai ou Arxentina. Entre as montaxes destacadas figura A Biblioteca Galáctica contra IA Fantástica, de Tanxarina Títeres, recoñecida nos Premios María Casares 2026, ademais de propostas premiadas como Gloria Bendita, de Arteria Producciones, ou Érase unha vez
dous pés!, da italiana Teatro dei Piedi.
Os bos resultados acadados nos últimos anos en biotecnoloxía sitúan a Galicia nunha posición de referencia neste sector, con moita proxección de futuro. A biotecnoloxía pasou de ser unha aposta estratéxica a converterse nun sector económico e científico con masa crítica, capacidades diferenciais e resultados medibles. Así o amosan os resultados acadados na execución da Estratexia de consolidación do sector en Galicia 21-25. Entre eles, destaca a creación de 30 novas empresas biotecnolóxicas, acadando a cifra de 162 compañías actuais; unha facturación de 2.037 millóns de euros, que cuadriplica a de 2021 e se sitúa no 2,6% do PIB; ou o aumento do emprego cualificado vencellado ao sector, acadando as 5.693 persoas traballadoras, tres veces máis desde 2021.
