Noticias

El PSdeG reclama un plan de acción para viviendas colectivas frente al envejecimiento

El grupo parlamentario del PSdeG ha presentado una proposición no de ley para que el Gobierno gallego apueste por las viviendas colectivas, un modelo conocido como "co-housing", para afrontar la soledad y el aislamiento de las personas mayores, así como el avance en el envejecimiento. Galicia será "tal vez la región más envejecida del mundo" en 2050, por lo que el PSdeG busca paliar la "soledad no deseada" en los mayores.

Nota de prensa del Gabinete de PSdeG:

A portavoz de Vivenda do Grupo Socialista, María Pierres, propuxo traer a Galicia o modelo nórdico de co-housing ou vivendas colectivas nas que as persoas maiores poidan convivir e compartir servizos por propia elección. Pierres presentará esta proposta na Comisión de Vivenda do próximo martes, na que reclama a implicación do goberno galego nesta medida.

Pierres reclamou traer a Galicia “modelos de innovación social” e instou a “deixar de facer políticas de reparación unha vez chegados os problemas” xa que, advertiu, España será en 2050 o país con maior porcentaxe de maiores do mundo, e Galicia, xunto con Asturias, será “a rexión máis envellecida do mundo”. Reclámalle así ao goberno galego que poña en marcha un Plan de fomento de novas solucións habitacionais para colectivos de maiores”.

Urxe adoptar dende xa, explicou, un modelo que naceu nos países escandinavos hai 3 décadas e que “mestura nun mesmo entorno residencial a dimensión privada, común e pública dos seus residentes a través dun acceso á vivenda non especulativo”. Nela “todos os membros do complexo residencial son socios dunha cooperativa que é propietaria das vivendas e cede aos residentes o uso de por vida”.

Esta proposta, dixo, pode materializarse “de formas moi diferentes, en pequenos barrios, urbanizacións ou comunidades de casas independentes nas que os veciños e veciñas comparten zonas e servizos segundo as necesidades reais”. Nestes lugares os residentes “colaboran entre si, comparten inquedanzas vitais e servizos, que poden ir dende a atención médica ao coidado dos nenos ou actividades culturais”.

María Pierres urxiu a participación do goberno galego nesta iniciativa “a través de distintas vías, que poden ser a achega de chan, a participación directa da Administración na constitución do proxecto, plans e programas ou subvencións públicas”. Sinalou que actualmente hai en toda España 10 exemplos de vivendas colectivas, 1 en construción, 23 en proceso de constitución, e en Galicia só unha iniciativa en fase de constitución.

Trátase de impulsar un “envellecemento máis saudable e, polo tanto, cun menor consumo de recursos socio – sanitarios”, que garante á xeración do baby-boom un envellecemento con calidade de vida, activo, digno e consciente, centrado na autoxestión e lonxe de fórmulas tuteladas.

A responsable socialista explicou que estas solucións “dan resposta a unha demanda crecente da poboación, con independencia das idades, e soluciona o grave problema asistencial e de servizos” para as persoas maiores. Quere responder a unha “xente concienciada de que os traballos de coidado de maiores son insostibles nas familias e xeran formas de explotación que sofren especialmente as mulleres”.

Sinalou que hoxe o 39,6 por cento das mulleres maiores de 85 anos viven soas, fronte ao 25,9 por cento dos homes, derivado da maior lonxevidade delas, pero que reflicte o aumento de situacións de soidade non desexada que pode paliarse a través destas fórmulas.

R., 2017-12-07

Actualidad

Foto del resto de noticias (presideante.jpg) Manteranse as rebaixas fiscais en vigor e aprobaranse catro novas baixadas: no Imposto sobre Transmisións Patrimoniais no caso de vivenda usada habitual, no de Sucesións para as herdanzas entre irmáns, no de Patrimonio e en innovación
Foto de la tercera plana (mama.jpg) Detectáronse 8.000 tumores, dos que o 92% tiñan un estadio tumoral baixo. A mortalidade por cancro de mama en mulleres galegas que participan nos cribados descendeu en máis dun 20% respecto do previsto sen cribado

Notas

Será o xoves, 25 de outubro, ás 19,30 horas, na Biblioteca Nodal, organizada polo Ateneo Nacionalista de Lugo
O Concurso Pilabot ten por obxectivo fomentar a recollida de pilas e acumuladores portátiles nos centros de ensino de primaria e secundaria galegos, xa que aínda que poida parecer un material pequeno e inofensivo, é o residuo máis perigoso e contaminante xerado polas persoas
PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania