jueves, 13 de agosto de 2026
Nota de prensa del Foro Económico de Galicia:
Edelmiro López e María do Mar Pérez intentan poñer sobre a mesa algunhas orientacións e propostas para o debate sobre o futuro do rural galego; os elementos necesarios para crear Unha estratexia para a Galicia rural do século XXI. Este documento, xunto aos documentos 20/2017 e 18/2016, teñen coma orixe os textos debatidos na xornada Propostas para a Galicia Rural do Século XXI, celebrada en xuño do 2016 polo Foro Económico de Galicia en Casal de Armán (Ribadavia).
As transformacións que experimentou a economía e a sociedade galega desde mediados do século XX orixinaron un forte declive das áreas rurais, paralelo á concentración da poboación e a actividade económica nas zonas urbanas, especialmente do Eixo Atlántico. Esa perda de peso acompañouse de profundas mudanzas das áreas rurais, tanto na estrutura demográfica como na base económica e na xestión do territorio o que deixou unha configuración dun medio rural característico.
Partindo desa realidade, unha estratexia para a Galicia rural do século XXI require un cambio de enfoque ou paradigma. Tentando abandonar a mirada ao pasado cara unha perspectiva de futuro onde se configure un novo rural adaptado á realidade actual da sociedade galega.
Substituíndo iso por unha perspectiva de futuro: como configurar un novo rural, un rural posible adaptado á realidade actual da sociedade galega.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
