domingo, 4 de mayo de 2025
Nota de prensa del Gabinete de Comunicación de En Marea:
A normativa vixente é claramente insuficiente para satisfacer todas as responsabilidades, asegurou o voceiro de En Marea Luís Villares tras coñecer que a Audiencia da Coruña fixa en 1.573 millóns de euros a indemnización do Estado polo Prestige, 15 anos despois da catástrofe.
Que haxa practicamente 3.000 millóns de euros que a Fiscalía deu por acreditados de danos que non se van pagar significa que para as empresas de transporte de petróleo lle sale moi barato contaminar porque saben de cada tres euros de responsabilidade soamente van ter que pagar soamente un, polo que poden estar moi tranquilos indicou referíndose á diferenza entre a cantidade inicialmente calculada pola Fiscalía e a que finalmente ditaminou a Audiencia da Coruña.
En Marea consideramos que é necesario unha reforma da normativa internacional que asegure completamente todas as responsabilidades polo dano causado en primeiro lugar polo dano ambiental,en segundo lugar polo dano ás vítimas e en terceiro lugar con carácter disuasorio para evitar que haxa a tentación de seguir usando buques en mal estado que poidan causar riscos catastróficos coma este.
Non é xusto que se non hai unha socialización dos beneficios do transporte do petróleo teñamos que pagar con todas as consecuencias dañinas, engadiu o voceiro de En Marea, que considera necesaria esa reforma de carácter sustantivo na normativa internacional e unha reforma procesal interna española para axilizar os procesos. Non é xusto que tardemos 15 anos en resolver xudicialmente un procedemento coma o do Prestige con tantísimos afectados, con tantísimos negocios e vidas en xogo que non foron reparados pola acción do Estado, concluiu.
A obra Hombre y joven marinero (1929), do poeta e artista Federico García Lorca e pertencente á colección da Fundación Pública Galega Camilo José Cela, formará parte da exposición internacional The First Homosexuals, que se inaugurará o 2 de maio no prestixioso espazo Wrightwood 659 de Chicago. Trátase dunha mostra que reúne máis de 250 obras que documentan as primeiras representacións artísticas da homosexualidade no panorama internacional posterior a 1869. A Fundación Camilo José Cela continúa así co seu labor de conservación, difusión e proxección internacional do seu valioso fondo artístico e documental, favorecendo o diálogo cultural arredor dunha das figuras máis senlleiras da literatura e da arte do século XX.
A figura e o legado de Alfonso Daniel Rodríguez Castelao será divulgada a través dunha decena de publicacións ao longo deste 2025, dentro das accións da programación do Ano Castelo, co que o Goberno galego conmemora o 75 aniversario dunha das figuras máis senlleiras de Galicia. Entre elas estarán 'Celebrando a Castelao. O artista polifacético', de Rubén de Lis, dúas edicións da emblemática obra teatral 'Os vellos non deben de namorarse', os discursos institucionais de Castelao (da man da Fundación Castelao) ou a dixitalización da documentación sobre o Estatuto de 1936 (en colaboración co Instituto Padre Sarmiento).
