viernes, 19 de junio de 2026
Nota de prensa del Gabinete de Comunicación del PSdeG:
O portavoz de Educación do Grupo Socialista, Luis Álvarez, lamentou o veto do PP a unha proposición non de Lei do Grupo Socialista para modificar a Lomce priorizando o ensino público sobre o concertado e devolvéndolle competencias aos claustros de profesores. Os socialistas, explicou, presentaron esta proposta en todo o Estado ante a estratexia do Goberno para dilatar as conversas do Pacto Educativo ata as próximas eleccións.
Pacto educativo si, inmobilismo non, así resumiu Álvarez as demandas do Grupo Socialista fronte á intención do goberno central de desenvolver este pacto sen celeridade nin firmeza. Adiantou que esta proposta sairá adiante no Congreso porque o PP carece de apoios suficientes para impedila e non poderá vetala na Mesa con argucias técnicas como fixo coa transferencia da AP-9 porque non supón modificacións orzamentarias.
O portavoz socialista reclamou a modificación da Lomce para que a programación da rede de centros priorice á rede pública sobre a concertada, acabando coa escusa do PP de que as escolas concertadas eran incluídas a demanda dos pais. Sinalou que o que da cobertura educativa universal é a rede pública, e como tal debe ser priorizada con respecto da concertada.
Ademais, reclamou que os claustros de profesores recuperen moitas das competencias que lles foron retiradas a favor dos directores, volvendo ademais á designación daqueles por unha maioría de representantes da comunidade escolar do centro. Coa Lomce, os directores son seleccionados nunha comisión na que a maior representación lle corresponde á administración, limitando a tan só entre un 30 e un 50 por cento de representantes dos centros.
Estes directores, ademais, ostentaban a autoridade exclusiva de aprobar os proxectos e normas, as programacións anuais, as decisións sobre a admisión de alumnos e sobre os recursos complementarios. Os socialistas reivindican que estas competencias volvan aos claustros e que ademais os directores sexan escollidos nun mínimo de 66 por cento de votos de membros da comunidade escolar.
O programa formativo Medrando Xuntas permitiu que as mulleres participantes traballasen habilidades clave como a comunicación, a organización, o liderado, a toma de decisións, a participación interna e a mellora da confianza profesional, ao tempo que se fomentou a creación dunha rede de mulleres que se apoian, colaboran e comparten recursos e que se deron a coñecer proxectos que están a transformar a economía. En primeiro lugar, Medrando Xuntas contou cun programa formativo para reforzar a súa participación nas entidades de economía social. En segundo lugar, a formación para directivas estaba dirixida a mulleres con responsabilidades de dirección ou proxección cara ao liderado.
Unha alianza entre o Instituto Tecnolóxico de Galicia (ITG) e as compañías Naturgy InnovaHub e Flythings Technologies desenvolverá unha plataforma enerxética que transformará residuos en produtos de alto valor engadido. Neste caso transformaranse residuos como lodos de depuradora, restos orgánicos e biomasas, en produtos de alto valor engadido como biocombustibles (hidrochar e biometano) e vectores enerxéticos sostibles (hidróxeno e syngas). Para iso, a nova unidade mixta combinará distintas tecnoloxías e incorporará sistemas híbridos de almacenamento con baterías e supercondensadores, ademais de empregar ferramentas como Internet das cousas, os xemelgos dixitais e a aprendizaxe automática.
