viernes, 19 de junio de 2026
Nota de prensa del Gabinete de Comunicación del PSdeG:
A portavoz de Igualdade do Grupo Socialista, María Pierres, reivindicou unha estratexia particular galega a partir dun Plan Estratéxico de Igualdade de Xénero no Medio Rural de Galicia do goberno para facer ás mulleres rurais máis fortes, máis visibles e máis empoderadas. Así o dixo logo dun encontro coa presidenta de Fademur, Rosa Arcos, e o portavoz de Gandaría do PSdeG, José Manuel Pérez Seco, con motivo do Día Mundial da Muller Rural, o 15 de outubro.
Pierres anunciou a presentación de ata 24 iniciativas nas últimas dúas semanas dende as portavocías de Igualdade e de Gandaría para evidenciar a falla de execución das medidas do goberno pola igualdade da muller rural previstas no Plan de Igualdade. A responsable socialista alertou así da falla de acción do goberno galego para loitar contra a situación das mulleres no rural.
Dixo que, a pesares de que ninguén pon en dúbida o seu relevante papel no rural, seguen a estar infrarrepresentadas, fóra dos espazos de toma de decisións, son invisibles, teñen máis dificultades para o acceso ao mercado laboral e sofren as consecuencias da fenda salarial.
Instou ao goberno galego a fixar un Plan Estratéxico de Igualdade de Xénero no Medio Rural de Galicia e anunciou unha pregunta urxente no Pleno da próxima semana sobre as dificultades manifestas para dotar ozamentariamente as partidas que teñen que ver coa igualdade e coa loita contra a violencia de xénero. Criticou neste sentido que o veto do PP e da Xunta a fixar partidas orzamentarias impedira o acordo sobre unha proposta de Resolución neste sentido no pasado Debate do Estado da Autonomía.
O portavoz de Gandaría, José Manuel Pérez Seco, foi o encargado de desgranar a proposta socialista para impulsar un Plan Estratéxico de Igualdade de Xénero no Medio Rural de Galicia. O obxectivo é que contribúa á promoción integral das mulleres do medio rural de Galicia, a súa plena participación social e á igualdade de oportunidades real entre mulleres e homes no marco dun proceso integral de desenvolvemento do medio rural galego.
Os obxectivos son promover o acceso destas mulleres á formación e ao emprego, dotalas de ferramentas que incrementen a súa visibilidade social, política e económica, facilitar a conciliación persoal e familiar e sensibilizar e educar en igualdade. Ademais, inclúe outros obxectivos máis pormenorizados, nos que a prevención e a erradicación da violencia de xénero sexa prioritario.
A presidenta da Federación de Asociacións de Mulleres Rurais Fademur-, Rosa Arcos, puxo como exemplo a situación no sector lácteo, onde o aumento do número de mulleres titulares de explotacións, ata supor o 54 por cento, que aparentemente indica unha mellor situación, agocha en realidade que é un fenómeno derivado da crise e que da a medida da feminización da pobreza no sector.
Reclamou outras cousas ademais do aumento da titularidade, como é o recoñecemento social, a mellora da calidade de vida ou dos servizos públicos. Advertiu que o despoboamento do rural e o relevo xeracional non se van producir en canto as mulleres non nos quedemos, e non nos quedaremos se non hai calidade de vida.
Fotografía: Gabinete de Comunicación del PSdeG
O programa formativo Medrando Xuntas permitiu que as mulleres participantes traballasen habilidades clave como a comunicación, a organización, o liderado, a toma de decisións, a participación interna e a mellora da confianza profesional, ao tempo que se fomentou a creación dunha rede de mulleres que se apoian, colaboran e comparten recursos e que se deron a coñecer proxectos que están a transformar a economía. En primeiro lugar, Medrando Xuntas contou cun programa formativo para reforzar a súa participación nas entidades de economía social. En segundo lugar, a formación para directivas estaba dirixida a mulleres con responsabilidades de dirección ou proxección cara ao liderado.
Unha alianza entre o Instituto Tecnolóxico de Galicia (ITG) e as compañías Naturgy InnovaHub e Flythings Technologies desenvolverá unha plataforma enerxética que transformará residuos en produtos de alto valor engadido. Neste caso transformaranse residuos como lodos de depuradora, restos orgánicos e biomasas, en produtos de alto valor engadido como biocombustibles (hidrochar e biometano) e vectores enerxéticos sostibles (hidróxeno e syngas). Para iso, a nova unidade mixta combinará distintas tecnoloxías e incorporará sistemas híbridos de almacenamento con baterías e supercondensadores, ademais de empregar ferramentas como Internet das cousas, os xemelgos dixitais e a aprendizaxe automática.
