jueves, 13 de agosto de 2026
Nota de prensa del Instituto Galego de Estatística (IGE):
No terceiro trimestre de 2017, o indicador de confianza do consumidor (ICC1) reflicte un valor de -7,58 puntos, 0,6 puntos por enriba do referido ao trimestre anterior. Neste trimestre aumentaron tres dos catro indicadores parciais de perspectivas de evolución: o indicador de situación económica en Galicia aumentou 0,36 puntos, o de situación financeira persoal 1,72 puntos e o de capacidade futura de aforro aumentou 4,31 puntos. O indicador parcial das perspectivas de evolución do desemprego, pola súa banda, diminuíu case 4 puntos.
O indicador de confianza do consumidor varía en función do intervalo de ingresos do fogar. Os fogares con menores ingresos medios mensuais son os que presentan valores máis baixos no ICC, mentres que a confianza aumenta ao incrementárense os ingresos do fogar. Así, o indicador no caso dos fogares con menos de 600 ao mes acada o valor de -26,62, namentres que entre os fogares que máis ingresan ao mes (por riba dos 3.000) o indicador sitúase en 14,57.
No terceiro trimestre de 2017 o 48,33% dos fogares galegos chega con facilidade ou moita facilidade a fin de mes, o 42,13% con dificultade e o 9,54% restante con moita dificultade.
Con respecto ao trimestre anterior, prodúcese unha diminución de 6,19 puntos na porcentaxe de fogares que chega con facilidade ou moita facilidade a fin de mes, e un incremento de 6,77 puntos na dos que chegan con dificultade. A porcentaxe de fogares que chega con moita dificultade diminuíu 0,57 puntos no terceiro trimestre de 2017 respecto ao segundo.
Con respecto ao terceiro trimestre do ano 2016, a porcentaxe de fogares que chega con facilidade ou moita facilidade a fin de mes medrou 4,9 puntos. Pola súa banda, as porcentaxes de fogares que chegan con dificultade e con moita dificultade a fin de mes caeron 2,22 e 2,67 puntos respectivamente no terceiro trimestre de 2017 respecto ao mesmo período do ano anterior.
O 19,79% dos fogares galegos non se permitiu ningún extra nos tres últimos meses. Considéranse como extra os gastos destinados a vacacións ou viaxes, facer fronte a imprevistos ou grandes compras, extras de alimentación, roupa ou calzado, contratar novos servizos para o fogar, saír a cear, ir ao cine, etc. Tamén se inclúe nesta categoría poder aforrar e traballar menos horas ou que algún membro do fogar se permitira deixar de traballar.
O 13,23% dos fogares galegos cambiou os seus hábitos de compra, pasando a mercar marcar brancas, produtos en oferta, etc. Esta foi a medida económica máis habitual empregada polos fogares para reducir os gastos, aumentar os ingresos ou afrontar pagos no terceiro trimestre de 2017. Ademais, o 13,06% dos fogares galegos diminuíu gastos comúns, como a roupa e o calzado, o transporte, etc. (non se inclúen nesta categoría os gastos en alimentación).
O 68,35% dos fogares galegos ten pensado saír a cear, a cafeterías, ir ao cine ou ao teatro nos próximos tres meses, o 47,79% facer algún extra en produtos de alimentación, o 38,97% aforrar algo de cartos e o 16,38% realizar algunha compra extraordinaria en roupa ou calzado. Esta última variable (algunha compra extraordinaria en roupa ou calzado) increméntase 5,52 puntos respecto ao mesmo período do ano anterior (10,86% no terceiro trimestre de 2016 fronte ao 16,38% do terceiro trimestre de 2017).
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
