sábado, 20 de junio de 2026
Nota de prensa del Gabinete de Comunicación del PPdeG:
O portavoz do Grupo Popular, Pedro Puy, amosou a disposición do PPdeG para chegar a un acordo no Pleno desta semana e sacar adiante unha proposición non de lei para a realización dun informe xurídico e histórico que permita ver que vías existen para a incorporación do Pazo de Meirás ao patrimonio público galego.
Pedro Puy lembrou que na sesión plenaria debateranse sendas proposicións non de lei do Grupo Popular e do Grupo Socialista a través das que se insta á Xunta á realización dun estudo xurídico, en colaboración con universidades e outras entidades públicas, que analice as posibilidades e mecanismos para incorporar o Pazo de Meirás ao patrimonio público galego.
Imos coa predisposición de traballar conxuntamente cos demais grupos do Parlamento para aunar vontades e consensos que permitan sacar adiante un único texto, sinalou o portavoz popular, quen se abriu a que se estuden todas as posibilidades para a futura incorporación do Pazo de Meirás ao patrimonio público.
Así mesmo, Puy indicou que estamos a falar do ingreso no patrimonio público dun ben que foi adquirido pola familia do ditador nun momento histórico determinado, que cos parámetros actuais mesmo nunca tería sido ingresado no patrimonio persoal desa familia.
O portavoz popular tamén explicou que na sesión plenaria desta semana procederase ao debate para a súa aprobación do proxecto de lei de protección e benestar dos animais de compañía en Galicia. Neste sentido, recordou que o 50 por cento deste texto lexislativo non foi emendado polos grupos parlamentarios e outro 30 por cento chega ao debate final con acordos entre os grupos.
Puy considerou unha boa nova o acordo acadado no texto definitivo desta lei, que considerou como a máis ambiciosa e completa do territorio nacional para loitar contra o abandono e o maltrato animal, fomentar a adopción de animais abandonados e concienciar á cidadanía sobre a tenza responsable de animais.
Por último, Pedro Puy referiuse á segunda proposición de lei que defenderá o Grupo Popular no Pleno, dirixida á creación dunha Mesa do Camiño de Santiago na provincia de A Coruña, entre a Xunta e a Deputación Provincial, para impulsar o Camiño Inglés e a prolongación do Camiño de Santiago ata Fisterra e Muxía.
O programa formativo Medrando Xuntas permitiu que as mulleres participantes traballasen habilidades clave como a comunicación, a organización, o liderado, a toma de decisións, a participación interna e a mellora da confianza profesional, ao tempo que se fomentou a creación dunha rede de mulleres que se apoian, colaboran e comparten recursos e que se deron a coñecer proxectos que están a transformar a economía. En primeiro lugar, Medrando Xuntas contou cun programa formativo para reforzar a súa participación nas entidades de economía social. En segundo lugar, a formación para directivas estaba dirixida a mulleres con responsabilidades de dirección ou proxección cara ao liderado.
Unha alianza entre o Instituto Tecnolóxico de Galicia (ITG) e as compañías Naturgy InnovaHub e Flythings Technologies desenvolverá unha plataforma enerxética que transformará residuos en produtos de alto valor engadido. Neste caso transformaranse residuos como lodos de depuradora, restos orgánicos e biomasas, en produtos de alto valor engadido como biocombustibles (hidrochar e biometano) e vectores enerxéticos sostibles (hidróxeno e syngas). Para iso, a nova unidade mixta combinará distintas tecnoloxías e incorporará sistemas híbridos de almacenamento con baterías e supercondensadores, ademais de empregar ferramentas como Internet das cousas, os xemelgos dixitais e a aprendizaxe automática.
