Noticias

Núñez Feijóo propone en el Parlamento de Galicia crear una comisión de expertos para recuperar el Pazo de Meirás acreditando 'vicios ocultos'

El presidente de la Xunta, Alberto Núñez Feijóo, confirmó en el Parlamento de Galicia que la única vía que contempla para que el Pazo de Meirás (declarado Bien de Interés Cultural-BIC y propiedad de la familia Franco) pueda pasar a formar parte del patrimonio público gallego es "acreditar vicios ocultos" que permitan "dejar sin efecto" la "donación" del inmueble y recuperarlo gratuitamente. El BNG propone "investigar" la adquisición del inmueble en el marco de una comisión con técnicos y expertos universitarios y tratar de acreditar dichos "vicios ocultos" que denuncian.

Nota de prensa del Gabinete de Comunicación del BNG:

Para saldar unha débeda coas vítimas e pola defensa da dignidade colectiva como pobo, o BNG reclamar poñer fin ao “pozo negro” da democracia que supón que, corenta anos despois do espolio, o Pazo de Meirás sega en mans da familia Franco e se teña convertido nun parque temático de exaltación da figura do ditador.

Por iso, a formación nacionalista presentou unha proposición non de lei na que reclama declarar á familia e á Fundación Franco non gratas en Galiza, instar ao Goberno central á ilegalizar esta entidade, conceder ao Concello de Sada a organización das visitas ao Pazo de Meirás en substitución desta fundación apoloxética do Franquismo, e solicitar a adhesión da Xunta á comisión creada pola vicepresidencia da Deputación da Coruña para a devolución do pazo ao pobo galego.

“É un disparate que teñamos que vir corenta anos despois do franquismo a falar deste tema no Parlamento”, criticou Bará, “e temos unha oportunidade de botar fora de Galiza a familia Franco, á fundación que leva o seu nome e a todos os seus cómplices porque son os ocupas de Meirás, ladróns e herdeiros do terror, porque son unha ofensa á memoria das vítimas e a nosa dignidade colectiva”.

O deputado nacionalista instou a aproveitar esta oportunidade de facer xustiza “que se negou na Transición tan pouco modélica”, que consolidou os privilexios e o “espolio a gran escala” da familia Franco.

“Alguén se imaxina unha Fundación Mussolini de exaltación do ditador e de xestión dos bens roubados”, interpelou o deputado tras asegurar que non se trata dun debate xurídico ou técnico senón democrático e, neste sentido, considera innecesario a comisión de estudio que defende o PP.

“Non hai nada que estudar porque o espolio está amplamente documentado, non hai que estudar o espolio, senón a forma legal para a devolución ao pobo galego do que foi roubado”, declarou.

Tal como fixera previamente a portavoz nacional na pregunta de control ao presidente da Xunta, Bará reclamou poñer fin “á rapina e á extorsión continuada do Franquismo en Galiza, da que o Pazo de Meirás e un exemplo, pero hai máis, como as esculturas do Pórtico da Gloria ou o Pazo de Cornide”.

O deputado lamentou a postura do PP e a súa posición morna cos herdeiros do ditador, cualificando de “aberración” que se atrevan a comparar “a quen quere colocar urnas para votar cos que perpetraron un xenocidio”, o que radiografía a faciana do Partido Popular.

“O respecto ás vítimas demostrase con feitos, parécelle que é respecto que Rajoy presuma de non gastar nin un só euro na aplicación da Lei de Memoria Histórica mentres deron 53.000 euros á Fundación Franco, ou converter o Pazo de Meirás nun parque temático do Franquismo, parécelle iso un recoñecemento das vítimas?”, interpelou, tras aludir ao “vicio de orixe do PP que na súa fundación como Alianza Popular coreaba o grito de Franco, Franco, Franco”.

Na súa proposta, o Bloque tamén solicitaba a elaboración dunha lei galega da memoria histórica que, como o resto das iniciativas, foron vetadas polo PP.

Nota de prensa del Gabinete de Comunicación del PSdeG:

A portavoz de Cultura do grupo socialista, Concepción Burgo, censurou no Parlamento os feitos “escandalosos” aos que está a asistir a sociedade galega no Pazo de Meirás polos “incumprimentos da familia dun ditador asasino” que impide visitar “o botín de guerra que é realmente o Pazo de Meirás”. Burgo afirmou que o Pazo “é o símbolo da actitude ambigua do PP ante o franquismo e as denuncias da ditadura”, e denunciou o “desafío, provocación e insulto ás vítimas” que supón que a Fundación Franco diga que utilizará as visitas para facer apoloxía do ditador. “A familia Franco estalles desafiando; respondan democraticamente”, esixiu.

A socialista asegurou que esperaba “unha resposta contundente” da Xunta ante este desafío, pero a resposta foi “agochar a cabeza”. Burgo criticou as actitudes reiteradas do PP en torno á memoria histórica. “Din que non apoian o franquismo pero iso hai que demostralo con feitos. Onte o PP votou en contra da nulidade das sentenzas dos tribunais de guerra ante unha iniciativa socialista no Congreso, votaron en contra de propostas sobre o Val dos Caídos, un monumento vergoñento, e neste Parlamento votaron contra unha lei de memoria histórica e de dignificación das vítimas para sacalas das foxas do esquecemento”, enumerou a socialista, que convidou a “ler o diario de sesións”, porque “non só votaron en contra, senón faltando ao respecto ás vítimas e á memoria histórica”.

“Se vostedes creran o que din, estarían votando doutra maneira”, afirmou Burgo, que lembrou que cando o grupo socialista pediu reprobar as manifestacións dos Franco “o adxectivo máis alto que se lle escoitou a Feijóo e ao goberno galego é que foran unhas palabras ´desafortunadas”. A deputada lamentou que non fixeron nada pola memoria histórica desde 2009. “Aínda non conseguiron apartar as pantasmas do pasado, non sei se é porque ven un cúmulo de votos ou porque teñen un pasado que agochar, pero teñen un problema coa memoria histórica e Meirás é o símbolo desde problema”, asegurou.

Burgo pediu “non crear verdades alternativas” e recordou que a actitude de Feijóo con Meirás sempre foi permisiva e que o Pazo foi declarado BIC polo goberno de Touriño en contra da opinión do actual presidente da Xunta, que entón dicía que “non era un pazo, era unha torre, e negábase a abrilo”. Tamén lembrou os 54.000 euros que pagou Feijóo aos Franco para sufragar con cartos públicos a seguridade do pazo, cun “convenio” cos Franco co que lles deixaban “pechar en agosto para posar no HOLA e ir de vacacións”.

Esta “é a actitude forte e autoritaria” de Feijóo, a quen “o único que se le ocurriu é pedirlle con educación aos Franco que donen o Pazo, e aínda se están a rir”, dixo. Burgo manifestou a “indignación” do seu grupo polas verbas de Feijóo nas que convidaba aos Franco a donar o Pazo “para reconciliarse co pobo galego” e censurou que os membros do PP sigan a referirse a Franco como “Xefe de Estado” en lugar de como “ditador” nas súas intervencións públicas e incluso na emenda presentada no Parlamento.

R., 2017-09-13

Actualidad

Foto del resto de noticias (reciclaxe_vidro.jpg) Cada galego reciclou o ano pasado unha media de 30,3 quilos de envases domésticos lixeiros e de papel-cartón, o que supón un incremento de case un 3% respecto ao ano anterior. Estes datos enmárcanse no traballo conxunto desenvolvido nos últimos anos pola Xunta e Ecoembes (organización sen ánimo de lucro que coordina a reciclaxe dos envases domésticos en todo o país) para mellorar o depósito, recollida e posterior recuperación deste tipo de residuos no conxunto da comunidade galega. Segundo os datos correspondentes ao ano 2023, en Galicia recuperáronse un total de 73.687 toneladas (Tn) de envases de orixe doméstica (37.640 Tn de envases plásticos, 23.781 Tn de papel-cartón, 11.566 Tn de latas e outros envases metálicos e 700 Tn de recipientes de madeira).
Foto de la tercera plana (doazons.jpg) A directora da Axencia Galega de Doazón de Sangue, Órganos e Tecidos, ADOS, Marisa López, salientou que o pasado ano se rexistraron en Galicia 103.525 doazóns de sangue, das que 9.564 se corresponden a persoas que doaron por primeira vez. Estes bos resultados, que foron expostos pola directora na Comisión 5ª de Sanidade do Parlamento de Galicia, sitúan Galicia entre as comunidades máis solidarias. Este número de doazóns permitiu dar resposta e garantir o abastecemento de hemoderivados de todos os centros hospitalarios de Galicia, en todo momento, e de xeito ininterrompido.

Notas

Creada co obxectivo de impulsar a visibilidade dos traballos das creadoras e creadores máis novos, o Festival de Cans seleccionou dez curtametraxes para a súa sección Novas Camadas, das que cinco tiveron a súa orixe na Facultade de Comunicación. As curtas dos estudantes de Comunicación Audiovisual Juan Ares, Anxo González, Miguel Romero e Rebeca Tella e Daniel F. Filloy, xunto co traballo de fin de grao de Manu Sacoga optarán ao premio dunha sección dirixida a cineastas menores de 25 anos.
O proxecto Caxato (‘Camiño de Santiago: camiño de intercambio e de aprendizaxe cultural europea’) pretende que persoas maiores de 50 anos sexan protagonistas da súa propia experiencia formativa, potenciando a adquisición de competencias culturais e artísticas, sociais (soft skills), dixitais e de sustentabilidade.
PUBLICIDAD
ACTUALIDAD GALICIADIGITAL
Blog de GaliciaDigital
PUBLICACIONES