domingo, 21 de junio de 2026
Nota de prensa del Gabinete de Comunicación del BNG:
A portavoz nacional, Ana Pontón, encabezou a representación do BNG que arroupou ás vítimas da traxedia de Angrois na súa manifestación en Santiago para, catro anos despois do sinistro, seguir reclamando verdade, xustiza e reparación.
É desolador ver a falta de respecto que hai para as vítimas e para con este país, porque estou segura que en ningunha parte do mundo catro anos despois do accidente ese punto seguiría sen ter as medidas de seguridade, o que mostra o desleixo e do desprezo que hai no fondo cara este país e cara as persoas que sufriron a traxedia, salientou Pontón, quen puxo en valor a loita das vítimas e da plataforma de afectados e afectadas.
Se chegamos aquí e pola súa forza e pola súa ansia, porque non se amedrentaron a pesar de que estaba loitando contra o Estado, recalcou a dirixente nacionalista quen transmitiu todo o apoio do BNG a través dunha forte aperta neste momento de dor colectivo.
Manifestación das vítimas de AngroisPontón tamén foi contundente ao asegurar que o Bloque vai seguir traballando como fixo nos últimos anos desde os Parlamentos galego, español e europeo, para que haxa unha comisión de investigación tamén na Cámara galega que depure responsabilidades políticas e analice todas as medidas necesarias para que nunca mais se repita Angrois, porque hai un débeda coas vítimas e con este país.
É indecente que catro anos despois non haxa unha comisión de investigación, que os xulgados sigan tramitando ese xuízo e que nin tan sequera se cumpran uns mínimos, porque é indecente que catro anos despois aínda non estea instalado o sistema de seguridade RTMS e resulta vergoñento que, catro anos despois, o presidente da Xunta busque escusas para xustificar algo que non entenden ninguén, argumentou.
No BNG imos seguir traballando para abrir unha ventá pola que entre a verdade, a xustiza e a reparación, subliñou Pontón, porque non se pode pechar unha páxina tan tráxica e tan dolorosa sen que haxa unha investigación xudicial e que se depuren as responsabilidades políticas e se analicen as causas técnicas que hai detrás deste accidente, alegou.
A portavoz nacionalista en Bruxelas, Ana Miranda, amosou a súa confianza en que a Comisión Europea abra un procedemento de infracción contra o Estado español por incumprimento da normativa en materia de seguridade ferroviaria.
Europa sacoulle as cores ao Goberno español por non facer unha investigación independente, e confiamos en que atenda a petición do Bloque de abrir un procedemento de infracción desde a UE contra o Estado porque non existiu o preceptivo control de riscos, temos indicios positivos de que así vai ser. Imos chegar ata o final, non pararemos, recalcou Miranda na manifestación a que tamén asistiu o deputado Xosé Luís Rivas, o portavoz municipal Rubén Cela e a vicepresidenta da Deputación da Coruña, Goretti Sanmartín.
Fotografía: Gabinete de Comunicación del BNG
O programa formativo Medrando Xuntas permitiu que as mulleres participantes traballasen habilidades clave como a comunicación, a organización, o liderado, a toma de decisións, a participación interna e a mellora da confianza profesional, ao tempo que se fomentou a creación dunha rede de mulleres que se apoian, colaboran e comparten recursos e que se deron a coñecer proxectos que están a transformar a economía. En primeiro lugar, Medrando Xuntas contou cun programa formativo para reforzar a súa participación nas entidades de economía social. En segundo lugar, a formación para directivas estaba dirixida a mulleres con responsabilidades de dirección ou proxección cara ao liderado.
Unha alianza entre o Instituto Tecnolóxico de Galicia (ITG) e as compañías Naturgy InnovaHub e Flythings Technologies desenvolverá unha plataforma enerxética que transformará residuos en produtos de alto valor engadido. Neste caso transformaranse residuos como lodos de depuradora, restos orgánicos e biomasas, en produtos de alto valor engadido como biocombustibles (hidrochar e biometano) e vectores enerxéticos sostibles (hidróxeno e syngas). Para iso, a nova unidade mixta combinará distintas tecnoloxías e incorporará sistemas híbridos de almacenamento con baterías e supercondensadores, ademais de empregar ferramentas como Internet das cousas, os xemelgos dixitais e a aprendizaxe automática.
