domingo, 19 de octubre de 2025
Nota de prensa del Gabinete de Comunicación del Concello de Santiago de Compostela:
O alcalde mantivo un encontro coa cantante Uxía, encargada do pregón que o venres abrirá as festas do Apóstolo. Martiño Noriega reiterou que "para a cidade é un motivo de orgullo que Uxía aceptara este encargo, porque é parte de Compostela". Tamén lembrou que ten "unha traxectoria espectacular no mundo da música, é unha referencia no país, embaixadora no espazo da lusofonía e pioneira no campo da música infantil".
Uxía recoñeceu sentirse honrada e ilusionada polo encargo do Concello de Santiago, que lle produciu "unha mestura de alegría e sentido da responsabilidade". A cantante explicou que ten rematado o pregón "desde onte ás 4.00". Segundo relatou, emocionouse moito escribíndoo, "porque Compostela é unha cidade coa que teño moitos vínculos afectivos e é difícil facer un texto que lle toque a fibra a todo o mundo".
Aínda que non quixo adiantar moito do pregón que lerá o venres, si explicou que será "un roteiro de música, lembranzas e emocións pola cidade, co que retratarei unha Compostela plural e cotiá". Tamén admitiu que "haberá música e algunha canción, sorprendería que non fora así". O pregón de Uxía, ás 22:30 dende o balcón do Pazo de Raxoi, abrirá as festas do Apóstolo, que se van celebrar do 14 ao 31 de xullo.
A directora xeral de Patrimonio Natural, Marisol Díaz, informou hoxe sobre a declaración da emerxencia cinexética temporal nun total de 38 comarcas galegas pola presenza e os danos ocasionados polo xabaril, que entrará en vigor mañá, sábado, 18 de outubro, logo de que hoxe se publicasen as correspondentes resolucións no Diario Oficial de Galicia. Segundo indicou Marisol Díaz, as declaracións de emerxencia cinexética temporal nas áreas sinaladas inclúen os Tecores e zonas libres onde se poderán desenvolver estas medidas extraordinarias e excepcionais.
O Roteiro dos Faros percorre o norte de Galicia e visita Cabo Ortegal, o miradoiro de Vixía Herbeira, o Santuario de Santo André de Teixido e o Cabo Estaca de Bares. Os participantes tamén poden coñecer Viveiro e os cantís de Loiba. Este itinerario do Roteiro dos Faros desenvólvese nos meses de xuño a setembro. En 2025, o programa de Trens Turísticos de Turismo de Galicia alcanzou se un 92,15% de ocupación nas prazas á venda. As rutas nas que practicamente esgotaron a totalidade das prazas foron as dos Queixos, Ribeira Sacra-Miño, Rías Baixas, Ribeira Sacra-Sil e Faros.
