domingo, 21 de junio de 2026
Nota de prensa del Gabinete de Comunicación del BNG:
A portavoz do BNG, Ana Pontón anunciou que o BNG pedirá a dimisión do conselleiro de Educación, Román Rodríguez na vindeira sesión plenaria do Parlamento galego, a nova coitelada ao ensino galego esixe a dimisión do conselleiro, afirmou a líder do BNG na concentración fronte á Xunta celebrada hoxe en protesta polo peche de centros escolares en diversas localidades galegas.
A consellería de Educación, afirmou a líder do BNG, actúa con mala fe e acaba de darlle unha coitelada pola espalda ao ensino público galego e anunciou que o BNG continuará apoiando á comunidade educativa porque defender o ensino público, recalcou, é defender o futuro dos nenos e nenas da Galiza de mañá.
Pontón reiterou o apoio do BNG á comunidade educativa e ás nais e país que queren manter uns centros que funcionaban e que hoxe se ven obrigados a reivindicar o seu mantemento. A Xunta ante esta demanda xusta non pode facer ouvidos xordos nin contar máis milongas como viñeron facendo ao longo desta última semana. Neste sentido, lamentou a campaña de mentiras iniciada pola consellería de Educación e a Xunta de Núñez Feijóo.
Cando escoitamos ao conselleiro falar de reorganización e non de peche de colexios, lémbrame a Cristobal Montoro defendendo unha amnistía fiscal á que denominou plan para buscar recursos ocultos e que finalmente foi declarada ilegal. O mesmo acontece agora, o peche de colexios é unha inmoralidade e un ataque máis para seguir desmantelando o ensino público galego no que o Partido popular é un verdadeiro experto.
Temos que destinar máis investimento para o ensino e por iso hoxe reclamamos a dimisión do conselleiro de Educación, que se manteñan os centros escolares que queren pechar e que a Xunta deixe de xogar co futuro dos nenos e nenas.
Para Pontón é unha inmoralidade pechar centros de ensino públicos pero tamén o é utilizar a escusa da crise para seguir cunha política de continuos recortes cando paralelamente o PP segue destinando miles e miles de euros para financiar centros privados. Nesta liña lembrou que a Xunta blindaba máis de 1.600 M para centros privados durante os próximos anos.
A concentración contra o peche de centros escolares celebrada hoxe fronte a consellería de Educación en San Caetano, Santiago de Compostela, tamén asistiu a portavoz de educación do BNG, Olalla Rodil e responsables políticos desta formación.
Nota de prensa del Gabinete de Comunicación del PSdeG:
O portavoz do Grupo Socialista, Xoaquín Fernández Leiceaga, denunciou premeditación e alevosía por parte da Consellería de Educación na reorganización e peche de catro centros educativos anunciada un día antes do remate do curso escolar. Así o dixo na concentración de protesta convocada hoxe fronte á sede da Xunta, en San Caetano.
O responsable socialista censurou a inaceptable forma de proceder do conselleiro, que agardou a que pasara a súa comparecencia no Pleno do Parlamento para tomar esta decisión. Lembrou a solicitude de comparecencia presentada pola oposición o pasado venres e dixo que debe comezar por explicarse na Cámara, e se non o fai dende logo demostrará que non está capacitado para dirixir a Consellería.
Acusouno de furtarlle ao Parlamento un debate necesario sobre a recomposición da planta de centros e en lugar diso procede por sorpresa e cando remata o curso para levar adiante un recorte da oferta de centros non xustificado.
Reclamou criterios obxectivos e claros para definir onde se precisan centros e ónde é necesario proceder ao axuste xa que con decisións como esta, apuntillou, dá a impresión de que a discrecionalidade e a improvisación son norma da Xunta de Galicia.
Fernández Leiceaga participou, xunto cos deputados do Grupo Socialista, na concentración celebrada hoxe en protesta pola reubicación e peche dos centros de A Pobra, As Pontes, Ribadavia e Porriño.
Nota de prensa del Gabinete de Comunicación del PPdeG:
A deputada do Grupo Popular Teresa Egerique demandou aos grupos da oposición que deixen de enredar coa reorganización escolar que a Consellería de Educación vai levar adiante o vindeiro curso nos concellos de As Pontes, Ribadavia, Porriño e Outes, porque en ningún caso se vai pechar ningún centro nin unidade escolar, mantendo aos alumnos escolarizados nas súas propias poboacións.
Teresa Egerique subliñou que esta decisión responde a unha planificación realizada pola Consellería tendo en conta criterios pedagóxicos, demográficos, xeográficos e de xestión responsable de recursos, respectando en todos os casos os rateos máximos permitidos de alumno por aula.
En concreto, a deputada explicou que a Consellería vai acometer unha reorganización escolar de cara ao vindeiro curso que unicamente pasa por escolarizar ao alumnado de secundaria de tres centros públicos integrados (CPI) en institutos de educación secundaria (IES). Nos casos de As Pontes, Ribadavia e O Porriño dase as circunstancias de que existe un IES preto dun CPI e ese IES ten capacidade e dispoñibilidade para acomodar aos alumnos procedentes do CPI, engadiu.
Como xa se avanzou desde a propia Consellería, non están previstos outros traslados de aulas de secundaria de CPI a institutos, pero se os houbera estarían vinculados a estes dous requisitos, que agora mesmo se dan nestes centros mencionados, pero non noutros existentes en Galicia, manifestou.
Egerique subliñou que esta reorganización escolar que se realiza nalgúns concellos, que practicamente se reduce a modificacións de carácter administrativo, ten o único obxectivo de mellorar a calidade educativa para o alumnado e a atención á diversidade.
Fotografía: Gabinete de Comunicación del BNG
O programa formativo Medrando Xuntas permitiu que as mulleres participantes traballasen habilidades clave como a comunicación, a organización, o liderado, a toma de decisións, a participación interna e a mellora da confianza profesional, ao tempo que se fomentou a creación dunha rede de mulleres que se apoian, colaboran e comparten recursos e que se deron a coñecer proxectos que están a transformar a economía. En primeiro lugar, Medrando Xuntas contou cun programa formativo para reforzar a súa participación nas entidades de economía social. En segundo lugar, a formación para directivas estaba dirixida a mulleres con responsabilidades de dirección ou proxección cara ao liderado.
Unha alianza entre o Instituto Tecnolóxico de Galicia (ITG) e as compañías Naturgy InnovaHub e Flythings Technologies desenvolverá unha plataforma enerxética que transformará residuos en produtos de alto valor engadido. Neste caso transformaranse residuos como lodos de depuradora, restos orgánicos e biomasas, en produtos de alto valor engadido como biocombustibles (hidrochar e biometano) e vectores enerxéticos sostibles (hidróxeno e syngas). Para iso, a nova unidade mixta combinará distintas tecnoloxías e incorporará sistemas híbridos de almacenamento con baterías e supercondensadores, ademais de empregar ferramentas como Internet das cousas, os xemelgos dixitais e a aprendizaxe automática.
