jueves, 13 de agosto de 2026
Nota de prensa del Gabinete de Comunicación del BNG:
A portavoz nacional do BNG, Ana Pontón censurou os Orzamentos do Estado dos que dixo, prevén os mesmos ingresos que no ano 2007, antes da crise económica, pero manteñen os recortes nas políticas sociais, aumentan os gasto militares e priorizan o pagamento da débeda por riba do benestar dos cidadáns. Pontón atribuíu o agravio a Galiza á falta de peso político de Feijóo.
Parafraseando unha canción de Manu Chao afirmou que Galiza está muda e desaparecida. Esta falta de peso político, dixo provoca que Galiza teña un recortazo de máis de 400 M e que non son produto da falta de recursos, é unha decisión política, recalcou. Neste sentido, explicou que Rajoy aumenta en 7.000 millóns de euros o gasto militar, concede unha chuvia de millóns para Euskadi e o Corredor do Mediterráneo, ou para Canarias e mentres tanto en Galiza, temos a cifra máis baixa de investimentos do século XXI.
A portavoz do BNG responsabiliza a Núñez Feijóo e a súa estratexia de submisión e servilismo a Rajoy que Galiza sexa discriminada e padeza o maior recortazo deste século e que os interese de Galiza non pinten nada no Estado. Se no Estado en troques de estar o PP, estivera outra forza política, Feijóo estaría botando as man a cabeza ante este novo agravio ao noso país. Feijóo, vendeulle a moto a todos os galegos e galegas durante a campaña electoral cando afirmaba Galiza primeiro e agora comprobamos que é certo pero, colocando a Galiza primeiro pola cola.
Ana Pontón apelou a un cambio de rumbo para situar na axenda política a Galiza co obxecto de mellorar as condicións de vida dos galegos e galegas. Urxe unha defensa firme de Galiza, inversións xustas do Estado, un modelo de concerto económico que nos permitiría contar con 3.500 M cada ano e unha tarifa eléctrica galega que nos compense por ser produtores. Os vascos, explicou, aforrarán 50 M nas súas empresas graza a tarifa e nós que somos excendentarios en produción de enerxía eléctrica, non temos ningún beneficio.Pontón sumou a reivindicación dunha tarifa eléctrica galega, a modernización do ferrocarril, o saneamento das rías galegas e investimento en I+D+i para sacar a Galiza da cola do Estado.
A portavoz nacionalista amosou as súas dúbidas ante a transferencia da AP-9 que achacou á falta de interese das forzas estatais. Os atascos producidos estes meses, dixo, agudizaránse no verán polo que o BNG proporá na vindeira sesión plenaria catro medidas para que os galegos e galegas non teñamos que pagar peaxes por quedar atrapados durante horas dentro da AP-9: Sancións polos atascos producidos nestes meses, a posta en marcha dun protocolo para abrir as barreiras cando se produzan colas de mínimo un Qm, rebaixa das peaxes mentres continúan as obras de ampliación da autoestrada e recuperar os postos de traballo suprimidos durante os últimos anos.
Fotografía: Gabinete de Comunicación del BNG
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
